بالی ووڈ اداکارہ تارا ستاریہ ان دنوں اپنی آنے والی فلم ’اپوروا‘ سے متعلق سرخیوں میں بنی ہوئی ہیں۔ فینس کو بھی اس فلم کا بے صبری سے انتظارہے۔ تارا ستاریہ پروفیشنل لائف سے متعلق نہیں بلکہ اپنی پرسنل لائف (ذاتی زندگی) سے متعلق سرخیوں میں بنی رہتی ہیں۔
کچھ دنوں پہلے ہی تارا ستاریہ کا نام کارتک آرین کے ساتھ جوڑا گیا اوراس سے پہلے وہ آدرجین کے ساتھ ریلیشن شپ سے متعلق سرخیوں میں بنی رہی ہیں۔ اب اداکارہ نے اپنی لولائف سے متعلق خاموشی توڑی ہے۔ حال ہی میں نیوز18 شوکو دیئے ایک انٹرویو میں تارا ستاریہ نے اپنی لولائف سے متعلق کھل کربات کی ہے۔ اداکارہ نے آدرجین کے ساتھ بریک اپ کی افواہوں پر ردعمل کا اظہارکیا اورساتھ ہی بتایا کہ وہ اپنی لنک-اپ گاسپ کو کس طرح سے دیکھتی ہیں۔
واضح رہے کہ تارا ستاریہ نے کافی وقت تک آدرجین کے ساتھ اپنے ریلیشن شپ سے متعلق سرخیاں بٹوری تھیں۔ دونوں کو کئی بارایک ساتھ دیکھا گیا۔ اس کے بعد دونوں کے بریک اپ کی خبریں بھی سامنے آئیں۔ پھران کا نام اداکارکارتک آرین کے ساتھ جوڑا گیا۔ اب ان سب باتوں پربریک لگاتے ہوئے اداکارہ تارا ستاریہ نے کہا کہ میں کسی ریلیشن شپ میں نہیں ہوں۔
؟کیسا ہوتا ہے والدین کا ردعمل
جب اداکارہ تارا ستاریہ سے اس بارے میں پوچھا گیا کہ کیا ڈیٹنگ کی خبروں کا ان پریا ان کے والدین پراثرپڑتا ہے؟ تو اس بارے میں اداکارہ نے کہا کہ نہیں میرے پاس دنیا کے سب سے اچھے والدین ہیں۔ جب وہ میرے بارے میں یہ سب باتیں پڑھتے ہیں، تو وہ میرے پاس آتے ہیں اورہم ایک کپ چائے کے ساتھ خوب ہنستے ہیں۔ ہم آئے دن ایکس، وائی یا زیڈ کے ساتھ میری جوڑی بننے کے بارے میں پڑھتے رہتے ہیں۔
تارا ستاریہ کی آنے والی فلم جلد ہوگی ریلیز
اداکارہ تارا ستاریہ نے’اسٹوڈنٹ آف دی ایئر‘ سے اپنے کیریئرکا آغاز کیا تھا۔ اس کے بعد انہوں نے ’مرجاواں’، ’ایک ویلین ریٹرنس‘ جیسی کئی فلموں میں کام کیا ہے۔ اب وہ جلد ہی ’اپوروا‘ میں نظرآنے والی ہیں۔ یہ فلم 15 نومبر سے ہاٹ اسٹارر پر اسٹریم ہوگی۔
-بھارت ایکسپریس