Allu Arjun granted bail: پشپا اداکار اللو ارجن کو ملی بڑی راحت، عدالت نے دے دی باقاعدہ ضمانت

اللو ارجن کو جمعہ کو نامپلی کورٹ سے باقاعدہ ضمانت مل گئی ہے۔ یہ معاملہ سندھیا تھیٹر میں ہونے والی بھگدڑ سے متعلق ہے۔ 4 دسمبر کو جب اداکار کی فلم پشپا 2 کی نمائش سندھیا تھیٹر میں ہو رہی تھی،اسی دوران  بھگدڑ میں ایک خاتون کی موت ہو گئی اور ایک بچہ زخمی ہو گیا۔13دسمبر کو، چار ہفتوں کے لیے عبوری ضمانت دیتے ہوئے، ہائی کورٹ نے اللو ارجن کو باقاعدہ ضمانت کے لیے ٹرائل کورٹ جانے کو کہا تھا۔ اللو ارجن کو 13 دسمبر کو سندھیا تھیٹر میں ‘پشپا 2: دی رول’ کے پریمیئر شو کے دوران بھگدڑ کے سلسلے میں گرفتار کیا گیا تھا، جس میں ایک خاتون کی موت ہوگئی تھی۔ اس کیس میں اداکار کو نامپلی عدالت میں پیش کیا گیاتھا، جہاں سے انہیں 14 دن کی عدالتی حراست میں بھیج دیا گیاتھا۔

بھگدڑ کے اگلے دن، پولیس نے تھیٹر انتظامیہ، اللو ارجن اور ان کی ٹیم کے خلاف مجرمانہ قتل کا مقدمہ درج کیاتھا۔ پولیس نے تحقیقات کے ایک حصے کے طور پر 24 دسمبر کو اللو ارجن سے پوچھ گچھ کی تھی۔ واقعہ کی سی سی ٹی وی فوٹیج جمع کرنے کے بعد، پولیس نے 10 منٹ کی ویڈیو کی بنیاد پر چکڈ پلی پولیس اسٹیشن میں ان  سے تین گھنٹے سے زیادہ پوچھ گچھ کی تھی۔چونکہ اللو ارجن کو  عبوری ضمانت دی گئی تھی اس لئے  انہیں مستقل ضمانت کی ضرورت تھی اور اب یہ ضرورت بھی پوری ہوگئی ہے چونکہ انہیں باقاعدہ ضمانت مل گئی ہے۔

بھارت ایکسپریس۔