رپورٹس کے مطابق کہا جا رہا ہے کہ گزشتہ کچھ دنوں سے سہانی بھٹناگرفرید آباد کے اسپتال میں داخل تھی اور وہاں پران کا علاج چل رہا تھا۔ خبر ہے کہ کچھ وقت پہلے سہانی کے پیرمیں فریکچرہوا تھا اوراس کے لئے وہ دوائیاں لے رہی تھیں، لیکن ان دوائیوں نے ری ایکشن کردیا اور سہانی بھٹناگرکے پورے جسم میں پانی بھرگیا۔ دوائیوں کے ری ایکشن کی وجہ سے گزشتہ شام سہانی نے دنیا کو الوداع کہہ دیا۔
رپورٹس کے مطابق، آج ہفتہ کی شام یعنی 17 فروری کو سہانی کا فریدآباد کے سیکٹر15 کے شمشان گھاٹ میں آخری رسوم ادا کی جائے گی۔ واضح رہے کہ سہانی کی اچانک ہوئی موت سے نہ صرف ان کی فیملی اورفینس بلکہ انڈسٹری بھی بہت مایوس ہے۔ ہرکوئی ان کے بارے میں تبادلہ خیال کر رہا ہے۔ سوشل میڈیا پربھی سہانی سے متعلق بات ہو رہی ہے کہ کیسے انہوں نے فلم ’دنگل‘ میں اپنے کردار سے لوگوں کا دل جیتا تھا، لیکن بہت دکھ کی بات ہے کہ سہانی بہت جلدی اپنی زندگی کے’دنگل‘ میں ہارگئی اورہم سب کو چھوڑکرچلی گئی۔
واضح رہے کہ سہانی بھٹناگر نے نہ صرف فلم ’دنگل‘ سے لوگوں کا دل جیتا تھا بلکہ اس کے علاوہ وہ کچھ اشتہارات (ایڈس) میں بھی نظرآچکی ہیں، لیکن سہانی کو پہچان فلم ’دنگل‘ میں نبھائے گئے چھوٹی ببیتا کے کردار سے ہی ملی تھی۔ خبروں کے مطابق اپنی تعلیم کی وجہ سے سہانی نے فلموں سے دوری بنالی تھی۔ سال 2021 نومبر 25 کے بعد سے انہیں انسٹا گرام پرایکٹیو (سرگرم) نہیں دیکھا گیا۔ حالانکہ اس سے پہلے وہ انسٹا گرام پرنظرآتی تھی اور اپنے پوسٹ سے فینس کو اپڈیٹ کرتی رہتی تھی۔ اب بے حد چھوٹی عمرمیں سہانی بھٹناگر کی موت ہوگئی ہے اورہمیشہ ہرکوئی انہیں ’چھوٹی ببیتا‘ کے طورپریاد کرے گا۔