Cyclone Biparjoy LIVE: گجرات میں بپرو جوائے طوفان کا لینڈ فال شروع، کچھ کے ساحل سے ٹکرایا طوفان

Cyclone Biparjoy LIVE: بیپرجوائے طوفان گجرات کے راستے ہندوستان پہنچ چکا ہے ۔ تازہ ترین جانکاری کے مطابق گجرات کے کچھ میں ساحل سمندر پربیپرجوائے کے ٹکرانے کا آغاز ہوگیا ہے  جو آدھی رات ٹکراتا رہے گے۔ فی الحال اچھی بات یہ ہے کہ طوفان کی رفتار115-25کلو میٹر فی گھنٹہ ہے۔ کچھ کے جورکھاو پورٹ پر لینڈ فال کا آغاز ہوا ہے جو رات قریب 12 بجے تک جاری رہ سکتا ہے۔ محکمہ موسمیات کی پیشن گوئی کے عین مطابق کچھ کے علاقے سے بیپرجوائے طوفان کے لینڈ فال کا آغاز ہوچکا ہے ۔ اس وقت کچھ کے سمندر میں پانچ سے چھ میٹر اونچی لہریں اٹھ رہی ہیں ۔  اس علاقے میں پہلے سے ہی این ڈی آر ایف کی چار ٹیمیں تعینات ہیں جو ہنگامی صورتحال سے نپٹنے کی کوشش کررہی ہے۔ حالانکہ ساحلی علاقوں میں 20 میٹر بارش ریکارڈ کی گئی ہے ۔ ہواوں کی رفتار گرچہ 115-25 کلو میٹر ہے البتہ طوفان کی رفتار 15 کلو میٹر فی گھنٹہ ہے جس کی بنیا دپر یہ اندازہ لگایا جارہا ہے کہ گجرات کے کچھ منڈاوی میں رات 12 بجے کے بعد تک لینڈ فال ہوسکتا ہے۔

محکمہ موسمیات کا کہنا ہے کہ سوراشٹر اور کچھ میں اس وقت بھاری بارش ہورہی ہے اور طوفان کی وجہ سے ان علاقوں میں رات بھر بارش کا امکان ہے۔  ہر منٹ پر طوفان اور ہواوں کی رفتار کم وبیش ہورہی ہے البتہ محکمہ موسمیات کے مطابق  ہواوں کی رفتار 120 کلیو میٹر سے اوپر ہے البتہ طوفان کی رفتار15 کلومیٹر سے زیادہ ہی بنی ہوئی ہے۔ محکمہ موسمیات کے جنرل ڈائریکٹر مرتنجئے مہاپاترا کے مطابق طوفان فی الحال 15 کلومیٹر کی رفتار سے آگے بڑھ رہا ہے ،یہی وجہ ہے کہ احتیاطاً دوارکا ،منڈاوی اور کچھ کے علاقے میں مکمل طور پر بجلی کی سپلائی بند کردی گئی ہے۔

بیپرجوائے طوفان کو دیکھتے ہوئے ریاست گجرات کی حکومت بھی کافی سنجیدگی کا مظاہرہ کررہی ہے۔ سی ایم بھوپیندر سنگھ کی صدارت میں اس وقت ایک اعلیٰ سطحی میٹنگ چل رہی ہے جس میں لینڈ فال اور اس کے بعد ہونے والے ڈیولپمنٹ کا جائزہ لیا جارہا ہے۔ سی ایم او کی طرف سے جانکاری یہ بھی دی گئی ہے کہ حالات کو دیکھتے ہوئے محکمہ جنگلا ت کی طرف سے 120 رکنی ٹیم تعینات کی جاچکی ہے ۔ ساتھ ہی ساتھ ایئرلفٹ کیلئے بھی ٹیمیں پوری طرح سے مستعد ہے اور ضرورت پڑنے پر وہ سب ہنگامی صورت سے بحسن وخوب نپٹنے کے اہل ہیں۔