Big Accident in Meerut: میرٹھ میں کرنٹ لگنے سے 5 کانوڑیوں کی موت، کانوڑیوں کے ڈی جے سے ٹکرائی ہائی ٹینشن لائن

Meerut News: اترپردیش کے میرٹھ میں بڑا حادثہ پیش آیا ہے۔ یہاں کانوڑیوں کے ڈی جے سے ہائی ٹینشن لائن ٹکراگئی ہے، جس میں کئی کانوڑیوں کے زخمی ہونے کی خبرہے۔ وہیں کرنٹ پھیلنے کی وجہ سے 5 کانوڑیوں کی موت ہوگئی ہے۔ اس کے علاوہ دو کانوڑیوں کی حالت کافی تشویشناک بتائی جا رہی ہے۔ سبھی کو علاج کے لئے اسپتال میں داخل کرایا گیا ہے۔ وہیں ناراض لوگوں نے کانوڑیوں کے ساتھ سڑک پرجام لگا دیا ہے۔ یہ حادثہ بھاون پور میں قلعہ روڈ پر رالی چوہان گاوں کی ہے۔

میرٹھ پولیس نے کیا ٹوئٹ

وہیں اس معاملے پر میرٹھ پولیس نے ٹوئٹ کرکے بتایا ہے کہ تھانہ بھاون پور کے تحت ایک ڈی جے  11 کے وی کے تار سے کچھ لوگوں کو کرنٹ لگنے کی جانکاری ملی ہے۔ پولیس موقع پر پہنچ چکی ہے اور لوگوں کا علاج کرایا جا رہا ہے۔

سماجوادی پارٹی کا اظہارافسوس

میرٹھ میں دردناک حادثے پر سماجوادی پارٹی نے گہرے دکھ کا اظہارکیا ہے۔ پارٹی کے ٹوئٹر ہینڈل سے ٹوئٹ کرکے لکھا گیا کہ  “میرٹھ میں کانوڑ یاترا کے دوران کانوڑیوں کے ہائی ٹینشن لائن سے ٹکرانے کے سبب ہوئے حادثہ میں کئی کانوڑ یاتریوں کے جاں بحق ہونے کی اطلاع انتہائی افسوسناک ہے۔ ہلاک ہونے والے افراد کی روح کے لئے تسکین اورزخمیوں کے جلد صحتیاب ہونے کی دعا۔ زخمیوں کے مکمل علاج کے لئے حکومت نظم کرے۔ کانوڑ یاترا کی ذمہ داری سنبھال رہے انتظامی افسران اس کے ذمہ دار ہیں۔ کارروائی ہو۔