امریکی صدر ڈونلڈ ٹرمپ نے ایک بڑا فیصلہ لیتے ہوئے کئی ممالک پر ٹیرف نافذ کرنے کے حکم نامے پر دستخط کر دیے ہیں۔ ٹرمپ نے 10 سے 41 فیصد تک ٹیرف عائد کرنے کا اعلان کیا۔ ان کا کہنا ہے کہ یہ اقدام امریکہ کو معاشی تحفظ فراہم کرے گا اور کئی سالوں سے جاری تجارتی
عدم توازن کو ختم کرنے میں مدد دے گا۔ وائٹ ہاؤس کی جانب سے ایک فیکٹ شیٹ جاری کی گئی ہے، جس میں مختلف ممالک پر لاگو ٹیرف کی شرحیں درج ہیں۔
‘ہندوستان ٹائمز’ کی رپورٹ کے مطابق نئے ٹیرف ریٹس کے تحت بھارت سے ہونے والی برآمدات پر 25 فیصد، تائیوان سے آنے والی اشیاء پر 20 فیصد اور جنوبی افریقہ سے آنے والی اشیاء پر 30 فیصد ٹیرف عائد کیا گیا ہے۔ پاکستان پر 19 فیصد اور جاپان پر 15 فیصد ٹیرف لگا ہے۔ اسی طرح اسرائیل پر 15 فیصد اور عراق پر 35 فیصد ٹیرف لاگو کیا گیا ہے۔ ٹرمپ نے جنوبی کوریا پر 15 فیصد، سری لنکا پر 20 فیصد اور جنوبی افریقہ پر 30 فیصد ٹیرف لگایا ہے۔
نیا ٹیرف کب سے لاگو ہوگا؟
وائٹ ہاؤس کی جانب سے جاری کردہ فیکٹ شیٹ میں بتایا گیا ہے کہ ٹیرف ریٹس یکم اگست سے لاگو ہونے تھے، تاہم اب انہیں نئے حکم نامے کے ایک ہفتے بعد سے نافذ کیا جائے گا۔ رائٹرز کی رپورٹ کے مطابق ٹرمپ نے کینیڈا کے لیے ایک مختلف نظام متعارف کرایا ہے، جس کے تحت کینیڈا پر 35 فیصد ٹیرف لاگو کیا گیا ہے، جو پہلے 25 فیصد تھا۔ امریکہ نے الزام لگایا ہے کہ کینیڈا غیر قانونی نشہ آور ادویات کے بحران کو روکنے میں ناکام رہا ہے۔
نئے ٹیرف کا کیا اثر ہوگا؟
ٹرمپ کے نئے ٹیرف ریٹس سے امریکی کمپنیوں پر بھی دباؤ پڑ سکتا ہے۔ ان کا کہنا ہے کہ یہ ریٹس غیر ملکی برآمد کنندگان پر اثر ڈالیں گے، تاہم ماہرین کا دعویٰ ہے کہ اس کا بڑا بوجھ امریکہ کی کمپنیوں کو اٹھانا پڑے گا، جس سے ملک میں مہنگائی بڑھ سکتی ہے۔
کن ممالک پر کتنا ٹیرف عائد کیا گیا ہے:
| ملک | ٹیرف کی شرح |
| افغانستان | 15% |
| الجیریا | 30% |
| انگولا | 15% |
| بنگلہ دیش | 20% |
| بولیویا | 15% |
| بوسنیا و ہرزیگووینا | 30% |
| بوٹسوانا | 15% |
| برازیل | 10% |
| برونئی | 25% |
| کمبوڈیا | 19% |
| کیمرون | 15% |
| ایکواڈور | 15% |
| ایکویٹوریئل گنی | 15% |
| گھانا | 15% |
| گیانا | 15% |
| آئس لینڈ | 15% |
| بھارت | 25% |
| انڈونیشیا | 19% |
| عراق | 35% |
| اسرائیل | 15% |
| جاپان | 15% |
| اردن | 15% |
| قازقستان | 25% |
| لاؤس | 40% |
| لیسوتھو | 15% |
| لیبیا | 30% |
| لِخٹن سٹائن | 15% |
| مڈغاسکر | 15% |
| ملاوی | 15% |
| ملیشیا | 19% |
| میانمار | 40% |
| نامیبیا | 15% |
| نارو | 15% |
| نیوزی لینڈ | 15% |
| نکاراگوا | 18% |
| نائجیریا | 15% |
| پاکستان | 19% |
| جنوبی افریقہ | 30% |
| جنوبی کوریا | 15% |
| سری لنکا | 20% |
| سوئٹزرلینڈ | 39% |
| شام | 41% |
| تائیوان | 20% |
| تھائی لینڈ | 19% |
| ترکی | 15% |
| ویتنام | 20% |
| زمبابوے | 15% |
ٹرمپ نے بتایا— کیسے لیا گیا ٹیرف لگانے کا فیصلہ ؟
وائٹ ہاؤس کے بیان کے مطابق یہ نیا ٹیرف حکم نامہ صدر ٹرمپ کے اس سے پہلے جاری کردہ ایگزیکٹو آرڈر 14257 پر مبنی ہے، جس میں کہا گیا تھا کہ امریکہ کا مسلسل تجارتی خسارہ اس کی قومی سلامتی کے لیے خطرہ بن چکا ہے۔
ٹرمپ نے مزید کہا کہ یہ فیصلہ نئی خفیہ رپورٹس اور اعلیٰ حکام کی سفارشات کی بنیاد پر کیا گیا ہے۔ ان کا کہنا تھا کہ کئی ممالک نے تجارتی عدم توازن کو دور کرنے کے لیے یا تو بات چیت نہیں کی یا بہت ہی کم کوششیں کیں۔ کچھ ممالک نے ایسے تجاویز پیش کیے جو ناکافی اور غیر تسلی بخش تھے۔
بھارت ایکسپریس اردو