Rahul Gandhi attacks PM Modi regarding constitution: پی ایم مودی نے اپنی پوری زندگی میں آئین کو کبھی نہیں پڑھا، اس لئے ان کو یہ خالی لگتا ہے:راہل گاندھی

کانگریس کے رکن پارلیمنٹ راہل گاندھی نے وزیر اعظم نریندر مودی کو نشانہ بنایا ہے۔ راہل گاندھی نے کہا ہے کہ پی ایم مودی کو آئین خالی نظر آتا ہے کیونکہ انہوں نے اپنی زندگی میں کبھی آئین نہیں پڑھا۔ مہاراشٹر اسمبلی انتخابات میں جلسہ عام سے خطاب کرتے ہوئے راہل گاندھی نے کہا کہ ہمارے لیے اس سے کوئی فرق نہیں پڑتا کہ کتاب کا رنگ کیا ہے۔ اہم بات یہ ہے کہ کتاب میں کیا ہے۔ ہم اس کے لیے جان دینے کو تیار ہیں۔

مہاراشٹر کے نندربار میں انتخابی ریلی کے دوران راہل گاندھی نے پی ایم مودی کو نشانہ بناتے ہوئے کہا کہ آئین انہیں خالی لگتا ہے کیونکہ انہوں نے اپنی پوری زندگی میں اسے کبھی نہیں پڑھا ہے۔ اس کے ساتھ ہی راہل گاندھی نے کہا کہ آئین خالی نہیں ہے بلکہ اس میں ہزاروں سال کے خیالات ہیں۔آئین کے بارے میں راہل گاندھی نے مزید کہا، ‘وہ (پی ایم مودی) کہتے ہیں کہ راہل لال کتاب دکھاتے ہیں۔ ہمیں اس سے کوئی فرق نہیں پڑتا کہ کتاب کا رنگ کیا ہے۔ اہم بات یہ ہے کہ کتاب میں کیا لکھا ہے۔ ہم اس آئین کے لیے اپنی جانیں قربان کرنے کو تیار ہیں۔

راہل نے کہا کہ وہ پی ایم مودی کو سمجھانا چاہتے ہیں کہ یہ آئین کھوکھلا نہیں ہے بلکہ یہ ہزاروں سال کے نظریات اور تصورات سے بھرا ہوا ہے۔ آپ اسے کھوکھلا کہہ کر برسا منڈا، مہاتما گاندھی، بابا صاحب امبیڈکر سمیت تمام آزادی پسندوں کی توہین کرتے ہیں۔مہاراشٹر کے انتخابات میں ہی ایک ریلی کے دوران پی ایم مودی نے کہا تھا کہ آئین کے لال کتاب میں ایسا کچھ نہیں ہے جس کا کانگریس پارٹی کھلم کھلا اظہار کر رہی ہے۔ اس کے ساتھ ہی پی ایم نے کہا تھا کہ کانگریس دھوکہ دہی میں اپنا ہی ریکارڈ توڑ رہی ہے۔ کانگریس کی طرف سے دستور کی جو ریڈ بک دکھائی اور تقسیم کی جا رہی ہے وہ پوری طرح کھوکھلی ہے۔ یہ بابا صاحب کے تئیں کانگریس کی نظر اندازی اور نفرت کا ثبوت ہے۔

بھارت ایکسپریس۔