Women’s T20 World Cup: خواتین ٹی ٹوئنٹی وارم اپ مقابلے میں بھارتی اور شریینکا کا شاندار کھیل، بھارت نے ویسٹ انڈیز کو 26 رنز سے شکست دے دی

کارڈف: خواتین ٹی ٹوئنی عالمی کپ 2026 کے آغاز سے قبل کھیلے گئے وارم اپ میچ میں بھارت کی خواتین کرکٹ ٹیم نے ویسٹ انڈیز خواتین کرکٹ ٹیم کو 26 رنز سے شکست دے دی۔ یہ مقابلہ پیر کو صوفیہ گارڈنز میں کھیلا گیا۔ ٹاس ہارنے کے بعد پہلے بیٹنگ کرتے ہوئے بھارتی ٹیم نے مقررہ 20 اوورز میں 8 وکٹوں کے نقصان پر 179 رنز بنائے۔

مندھانا اور شیفالی نے دلائی برق رفتار شروعات

بھارت کی اوپننگ جوڑی اسمرتی مندھانا اور شیفالی ورما نے ٹیم کو جارحانہ آغاز فراہم کیا اور 5.2 اوورز میں 59 رنز کی شراکت قائم کی۔ مندھانا نے 23 گیندوں پر 39 رنز کی اننگز کھیلی جس میں آٹھ چوکے شامل تھے۔ اس کے بعد شیفالی ورما 29 اور جمیما روڈریگز 7 رنز بنا کر آؤٹ ہو گئیں۔ 85 رنز کے مجموعے تک بھارت اپنے تین اہم بلے بازوں سے محروم ہو چکا تھا۔ اس موقع پر یاستیکا بھاٹیہ اور بھارتی فُل مالی نے چوتھی وکٹ کے لیے 61 رنز کی اہم شراکت قائم کی۔ یاستیکا بھاٹیہ نے 26 گیندوں پر 36 رنز بنائے، جبکہ بھارتی فُل مالی نے شاندار بیٹنگ کا مظاہرہ کرتے ہوئے 40 گیندوں پر سات چوکوں کی مدد سے ناقابلِ شکست 56 رنز اسکور کیے۔ ویسٹ انڈیز کی جانب سے افی فلیچر نے چار وکٹیں حاصل کیں، جبکہ کریشما رامہریک، عالیہ ایلین اور ڈیانڈرا ڈوٹن نے ایک، ایک وکٹ حاصل کی۔

شریینکا پاٹل کی تباہ کن بولنگ، ویسٹ انڈیز ہدف سے دور رہ گیا

180 رنز کے تعاقب میں ویسٹ انڈیز کی ٹیم مقررہ اوورز میں 8 وکٹوں کے نقصان پر 153 رنز ہی بنا سکی۔ ویسٹ انڈیز کی جانب سے ڈیانڈرا ڈوٹن اور شیمین کیمبل نے پہلے وکٹ کے لیے 63 رنز جوڑے۔ کیمبل 25 رنز بنا کر ریٹائرڈ آؤٹ ہوئیں، جبکہ ڈوٹن نے 44 گیندوں پر 49 رنز کی اننگز کھیلی۔ دیگر بلے بازوں میں عالیہ ایلین نے 13 جبکہ جانیلیا گلاسگو اور شاونیشا ہیکٹر نے 19، 19 رنز بنائے۔ بھارت کی جانب سے شریینکا پاٹل نے شاندار بولنگ کرتے ہوئے 36 رنز کے عوض 4 وکٹیں حاصل کیں، جبکہ رادھا یادو نے 25 رنز دے کر 3 کھلاڑیوں کو پویلین کی راہ دکھائی۔ بھارتی ٹیم اپنا اگلا وارم اپ میچ 10 جون کو ڈربی کے کاؤنٹی گراؤنڈ میں انگلینڈ خواتین کرکٹ ٹیم کے خلاف کھیلے گی۔

بھارت ایکسپریس اردو۔