نئی دہلی : بھارتی فاسٹ بولر ارشدیپ سنگھ نے حال ہی میں اپنے پسندیدہ ٹاپ-5 بھارتی گیند بازوں کی فہرست جاری کی، جس میں انہوں نے سابق تیز گیند باز بھونیشور کمار کو پہلے نمبر پر رکھا، جبکہ تجربہ کار اسپنر روی چندرن اشون کو پانچویں اور آخری مقام پر رکھا۔ اس فہرست کے سامنے آنے کے بعد ارشدیپ کا ایک دلچسپ بیان بھی سامنے آیا، جس میں انہوں نے کہا کہ وہ اشون سے ذاتی طور پر معافی مانگیں گے۔ایک پوڈکاسٹ میں گفتگو کے دوران ارشدیپ سنگھ سے ان کے پسندیدہ بھارتی گیند بازوں کے بارے میں پوچھا گیا، جس پر انہوں نے اپنی ٹاپ-5 فہرست مرتب کی۔ انہوں نے پہلے نمبر پر بھونیشور کمار، دوسرے پر محمد شامی، تیسرے پر کلدیپ یادو، چوتھے پر یزویندر چہل اور پانچویں نمبر پر روی چندرن اشون کو رکھا۔
اشون کو آخری مقام دینے کے بارے میں ارشدیپ نے مسکراتے ہوئے کہا، “میں ایش بھائی (روی چندرن اشون) کو آخری نمبر پر نہیں رکھنا چاہتا، لیکن تمام پوزیشنیں پہلے ہی بھر چکی تھیں، اس لیے انہیں پانچویں نمبر پر رکھنا پڑا۔ وہ ایک عظیم کرکٹر ہیں اور پنجاب کنگز میں وہ میرے پہلے کپتان بھی تھے۔ سوری ایش بھائی، میں آپ کو ذاتی طور پر پیغام بھیج کر معافی مانگوں گا۔”ارشدیپ نے واضح کیا کہ اس درجہ بندی کا مقصد کسی کھلاڑی کی صلاحیت کو کم کرنا نہیں، بلکہ یہ صرف ان کی ذاتی پسند پر مبنی فہرست ہے۔ انہوں نے بھونیشور کمار کو اپنا ذاتی پسندیدہ گیند باز قرار دیتے ہوئے کہا کہ وہ ہمیشہ ان کی سوئنگ بولنگ اور کنٹرول سے متاثر رہے ہیں، اسی لیے انہیں اپنی فہرست میں سرفہرست رکھا۔
بھونیشور کمار کی تعریف کرتے ہوئے ارشدیپ نے کہا، “میں بھونیشور کمار کو پہلے نمبر پر رکھوں گا کیونکہ وہ میرے ذاتی پسندیدہ بولر ہیں۔ مجھے ان کی گیند بازی بہت پسند ہے، اس لیے ان کا ساتھ دینا بنتا ہے۔ دوسرے نمبر پر محمد شامی ہیں، کیونکہ وہ کسی بھی وکٹ پر شاندار سیم بولنگ کرنے کی صلاحیت رکھتے ہیں۔”ارشدیپ سنگھ کو بین الاقوامی کرکٹ میں قدم رکھے چار سال سے زیادہ عرصہ ہو چکا ہے، تاہم وہ اب تک ون ڈے ٹیم کا مستقل حصہ نہیں بن سکے ہیں۔ انہوں نے اب تک 18 ایک روزہ بین الاقوامی میچوں میں 30 وکٹیں حاصل کی ہیں۔ حالیہ ون ڈے سیریز میں انہیں مسلسل مواقع ملے، جس سے اندازہ لگایا جا رہا ہے کہ ٹیم مینجمنٹ جنوبی افریقہ جیسی کنڈیشنز میں بائیں ہاتھ کے تیز گیند باز کے فائدے کو مدنظر رکھتے ہوئے انہیں زیادہ مواقع دینا چاہتی ہے۔ٹی20 بین الاقوامی کرکٹ میں ارشدیپ سنگھ کا ریکارڈ انتہائی متاثر کن رہا ہے۔ وہ بھارت کی جانب سے اس فارمیٹ میں سب سے زیادہ وکٹیں لینے والے گیند باز ہیں۔ اب تک 91 ٹی20 انٹرنیشنل میچوں میں وہ 135 وکٹیں اپنے نام کر چکے ہیں، جس کی بدولت وہ موجودہ دور کے کامیاب بھارتی فاسٹ بولرز میں شمار کیے جاتے ہیں۔
بھارت ایکسپریس اردو
این ویڈیا کے سابق سربراہ نے بورڈ کی آزادانہ تحقیقات میں تعاون کا یقین دلایا،…
وزیراعظم مودی نے اہم معدنیات اور کان کنی کے شعبے میں مضبوط سپلائی چین قائم…
کواڈ کا قیام 2007 میں عمل میں آیا تھا، جبکہ 2017 میں اس کے درمیان…
منیلا میں کواڈ اجلاس سے خطاب کرتے ہوئے وزیر اعظم نے اس شہر کے ساتھ…
سرمایہ کاروں کو ہر ہفتے 6 سے 11 فیصد منافع دینے کا لالچ دے کر…
چیف جسٹس سوریہ کانت کی سربراہی والی بنچ نے راہل گاندھی اور دیگر درخواست گزاروں…