T20 World Cup 2024: دھونی ہوسکتے ہیں ٹیم انڈیا کے وکٹ کیپر، شخصیات نے بتائی بڑی وجہ

T20 World Cup 2024 MS Dhoni: ٹی-20 ورلڈ کپ میں ٹیم انڈیا کا وکٹ کیپر کون ہوگا، اسے لے کرسلیکٹروں کے درمیان غوروخوض تیزہوگئی ہے۔ ٹیم میں جگہ ایک  ہے، لیکن دعویدار کئی ایک ہیں۔ آئی پی ایل میں سنجو سیمسن، رشبھ پنت، کے ایل راہل اورایشان کشن اچھی کارکردگی کا مظاہرہ کرتے ہوئے نظرآرہے ہیں۔ ایسے میں سلیکٹروں کی پریشانی میں اضافہ کیا گیا ہے، لیکن اسی درمیان ایم ایس دھونی کو ورلڈ کپ میں ٹیم انڈیا کا وکٹ کیپر بنانے کا مطالبہ ہو رہا ہے۔

کیا ریٹائرمنٹ واپس لے کرٹیم انڈیا کے لئے کھیلیں گے دھونی؟

چنئی سپرکنگس کے لئے وکٹ کیپنگ کرتے ہوئے تھالا کے کئی فیصلوں نے فینس کو حیران کیا ہے۔ ایسے میں فینس چاہتے ہیں کہ بھلے ہی دھونی کی کپتانی نہ صحیح بلکہ ٹیم انڈیا کے ساتھ وکٹ کیپنگ کرتے ہوئے نظرآئیں گے۔ ایسے میں اب دھونی سے متعلق یہ قیاس آرائی شروع ہوگئی ہے کہ انہیں ریٹائرمنٹ واپس لینے کے لئے منایا جاسکتا ہے۔

سابق کھلاڑی ورون ارون، سینئرآل راؤنڈرعرفان پٹھان اور ویریندرسہواگ نے بھی اس کی پُرزورطریقے سے حمایت کی ہے۔ ویریندر سہواگ نے تو یہاں تک کہا ہے کہ ان کا اسٹرائیک ریٹ 250 سے زیادہ کا ہے۔ وہ ٹورنا منٹ میں اب تک آؤٹ نہیں ہوئے ہیں۔ ایسے میں انہیں ٹیم انڈیا کے لئے منتخب کیا جانا چاہئے۔