India tour of England 2025 Squad: وریندر سہواگ نے شریاس ائیر کے ڈراپ ہونے پر سلیکشن کمیٹی کو بنایا تنقید کا نشانہ

انگلینڈ کے دورے کے لیے ٹیم انڈیا کے اسکواڈ کا اعلان کر دیا گیا ہے۔ کرون نائر کی 8 سال بعد واپسی کے بعد شبمن گل ٹیم کی کپتانی کر رہے ہیں۔ سائی سدرشن اور کئی نوجوان کھلاڑیوں کو ٹیم میں شامل کیا گیا ہے۔ قابل ذکر بات یہ ہے کہ شریاس ایئر کو جگہ نہیں ملی ہے ،حالانکہ ان کی کارکردگی اچھی رہی ہے۔ بہت سے شائقین اس سے ناراض ہیں اور اجیت اگرکر کی قیادت والی سلیکشن کمیٹی پر سوال اٹھا رہے ہیں۔ اس پر وریندر سہواگ نے بھی سوال اٹھائے

سابق بھارتی کرکٹر وریندر سہواگ نے بی سی سی آئی کی جانب سے شریاس ائیر کو دورہ انگلینڈ سے باہر کرنے پر سوال اٹھایا۔ انہوں نے کرک بزمیں گفتگو  کے دوران بات کرتے ہوئے کہا “یقیناً انہیں اپنی کپتانی کا زیادہ کریڈٹ نہیں ملتا۔ منوج (تیواری) نے کہا کہ رشبھ پنت کو کپتانی اس لیے نہیں ملی کیونکہ ان کے پاس آئی پی ایل کا اچھا سیزن نہیں تھا۔ لیکن شریاس ائیر کا سیزن بہت اچھا گزرا ہے، وہ کپتان بھی ہیں۔ وہ ٹیسٹ کرکٹ کیوں نہیں کھیل سکتے؟ وہ یقینی طور پر تینوں فارمیٹس میں کھیل سکتے ہیں ” ۔

شریاس آئیر آئی پی ایل سیزن 18 میں سب سے زیادہ فارم  میں چلنے والےبلے بازوں میں سے ایک رہے ہیں۔ انہوں نے اس سیزن میں کھیلے گئے 13 میچوں میں 488 رنز بنائے ہیں۔ 2014 کے بعد یہ پہلا موقع ہے، جب پنجاب کنگز پلے آف میں پہنچی ہے، یہ بھی ان کی کپتانی میں ہوا۔ سہواگ چاہتے تھے کہ ائیر کو دورہ انگلینڈ کے لیے ٹیم میں منتخب کیا جائے۔

سہواگ نے کہا کہ جب آپ اچھی فارم میں ہوتے ہیں، تو انہیں ٹور پر لے جانا اچھا ہوتا ہے، کیونکہ ان میں اچھی کارکردگی دکھانے کے امکانات زیادہ ہوتے ہیں، میں چاہتا ہوں کہ انہیں ٹیسٹ ٹیم میں شامل کیا جائے، اگر وہ ٹیسٹ کرکٹ میں بھی یہی رول  اپناتے ہیں ،تو اس سے ٹیم کو فائدہ ہوگا۔ 4-5 رنز/اوور، وہ ان پر دباؤ ڈال سکتے ہیں۔

شریاس ائیر کا ٹیسٹ ریکارڈ

شریاس ائیر نے اپنا ٹیسٹ ڈیبیو 2021 میں کیا اور اپنا آخری ٹیسٹ فروری 2024 میں انگلینڈ کے خلاف کھیلا۔ اس دوران انہوں نے کل 14 ٹیسٹ میچ کھیلے ،جس میں انہوں نے 36.86 کی اوسط سے 811 رنز بنائے ہیں۔ انہوں نے اس فارمیٹ میں 1 سنچری اور 5 نصف سنچریاں اسکور کی ہیں۔