Sania Mirza Viral Video: طلاق کے بعد ثانیہ مرزا کا شادی سے متعلق ویڈیو وائرل

ہندوستانی ٹینس اسٹار ثانیہ مرزا۔ (فائل فوٹو)

ہندوستانی ٹینس اسٹار ثانیہ مرزا کا حال ہی میں طلاق ہوگیا ہے۔ پاکستان کے کرکٹرشعیب ملک نے 41 سال کی عمرمیں تیسری شادی کی اورثانیہ مرزا سے اپنا رشتہ ختم کرلیا تھا۔ اس کے بعد سے ہی سوشل میڈیا پران دونوں سے متعلق کئی تصاویراورویڈیو وائرل ہورہی ہیں، ایسا ہی اب ایک تازہ ترین ویڈیو سامنے آیا ہے، جو ثانیہ مرزا کا ہے۔

دراصل، سوشل میڈیا سائٹ ایکس (ٹوئٹر) پرایک ویڈیو سامنے آیا ہے، جس میں ٹینس اسٹارثانیہ مرزا سے شادی سے متعلق سوال ہوا ہے۔ ثانیہ مرزا سے پوچھا گیا کہ وہ اگرنئے جوڑوں کو کوئی مشورہ دینا چاہتی ہیں تب کیا کہیں گی۔ اس پرثانیہ مرزا جواب دیتی ہیں کہ شادی کے بعد خود کو بالکل بھی نہیں بدلنا چاہئے۔ کیونکہ آپ جیسے تھے، آپ کو اسی لحاظ سے پسند کیا گیا ہے۔

ثانیہ مرزا کے اس ویڈیو پرلوگ الگ الگ طرح کا ردعمل ظاہرکررہے ہیں۔ لوگوں نے ثانیہ مرزا کی تعریف بھی کی ہے کیونکہ ثانیہ مرزا نے بھی خود کوشادی کے بعد نہیں بدلا اوراپنے بولڈ اندازکے لئے ہمیشہ ہی جانی گئی۔ ثانیہ مرزا کا شمار ہندوستان کے ٹاپ رول ماڈل میں ہوتا ہے۔

یہ بھی پڑھیں: Gyanvapi Masjid-Mandir Case: گیان واپی مسجد کے تہہ خانہ میں پوجا کی اجازت کے مسلم فریق پہنچا الہ آباد ہائی کورٹ، کیا یہ بڑا مطالبہ

واضح رہے کہ ثانیہ مرزا اورشعیب ملک کا حال ہی میں طلاق ہوا تھا۔ دونوں کا تقریباً 14 سال کا رشتہ ختم ہوا تھا۔ دونوں کا ایک بیٹا بھی ہے، جس کا نام اذہان ہے اوراب اس کی عمر تقریباً 5 سال ہے۔ شعیب ملک نے پاکستانی اداکارہ ثنا جاوید سے شادی کی تھی۔ دونوں نے جب نکاح تقریب کی تصویرسوشل میڈیا پر شیئر کی تھی، تب لوگوں کو اس کی خبرہوئی۔ اسی کے بعد ثانیہ مرزا اور شعیب ملک کے طلاق کی بات سامنے آئی تھی۔ ثانیہ مرزا کی فیملی کی طرف سے بیان دیا گیا تھا کہ انہوں نے اپنی مرضٰ سے رشتہ ختم کیا ہے۔ وہیں ثانیہ مرزا کی میڈیا ٹیم نے بھی اس کا اعلان کیا تھا، لیکن فینس سے ان کی پرائیویسی کا خیال رکھنے کے لئے بھی کہا تھا۔

بھارت ایکسپریس۔