Rinku Singh and T20 World Cup 2024: اس کا دل ٹوٹا ہے، رنکو سنگھ کے والد کا چھلکا درد،کہا:ٹی20 ورلڈ کپ کیلئے سلیکشن نہ ہونے پر ہوئی مایوسی

رنکو سنگھ کو ورلڈ کپ کے لیے ہندوستانی ٹیم میں جگہ نہ ملنے سے بہت سے لوگ حیران ہیں۔ رنکو کا سلیکشن  نہ ہونے پر شائقین ہی نہیں بلکہ کئی سینئر کرکٹر بھی  حیران  ہیں۔ اگرچہ انہیں ریزرو کھلاڑیوں میں رکھا گیا ہے لیکن اب ان کے والد خان چندر سنگھ کا کہنا ہے کہ وہ اپنے بیٹے کو پلیئنگ الیون میں دیکھنے کے لیے پر امید تھے۔ رنکو کے اہل خانہ پٹاخے پھوڑنے کے لیے تیار تھے لیکن جب انہیں سلیکشن نہ ہونے کے بارے میں جانکاری ملی تو سب کو مایوسی ہوئی۔

ایک انٹرویو میں رنکو سنگھ کے والد نے کہا کہ بہت سی توقعات تھیں اور اسی لیے تھوڑا سا دکھ بھی ہے، ہم مٹھائیاں اور پٹاخے بھی لے کر آئے تھے اور سوچ رہے تھے کہ رنکو پلیئنگ الیون میں ہی رہے گا، ان کا دل ٹوٹ گیا ہے۔ انہوں نے اپنی والدہ سے بات کی اور بتایا کہ ان کا نام 11 یا 15 کھلاڑیوں میں نہیں ہے لیکن وہ پھر بھی ٹیم کے ساتھ جا رہے ہیں۔ رنکو سنگھ کے نہ منتخب ہونے سے عام لوگ بھی مایوس ہیں کیونکہ 2023 میں اپنے ڈیبیو کے بعد رنکو نے ہندوستان کے لیے 15 ٹی ٹوئنٹی میچ کھیلے ہیں جن میں انھوں نے 89 کی اوسط سے 356 رنز بنائے ہیں۔

رنکو سنگھ 5 اور 6 نمبر پر بیٹنگ کرتے ہوئے بھارت کے لیے ایک بہترین فنشر کا کردار ادا کر رہے ہیں۔ گزشتہ سال انہوں نے جنوبی افریقہ کے خلاف ٹی ٹوئنٹی سیریز کے 2 میچوں میں تیزی سے 82 رنز بنائے جس میں 68 رنز کی طوفانی اننگز بھی شامل تھی۔ اس سے قبل انہوں نے آسٹریلیا کے خلاف 4 اننگز میں 52.5 کی بہترین اوسط سے 105 رنز بنائے تھے۔ اس شاندار فارم کے باوجود انہیں ہندوستانی اسکواڈ میں جگہ نہ ملنا کافی حیران کن ہے۔ ان کے ساتھ شبھمن گل، آویش خان اور خلیل احمد کو ٹی ٹوئنٹی ورلڈ کپ 2024 کے لیے ریزرو کھلاڑیوں میں رکھا گیا ہے۔

بھارت ایکسپریس۔