ICC Test Rankings: محمد سراج اور پرسدھ کرشنا کا آئی سی سی رینکنگ میں جلوہ، اتنی لمبی لگائی چھلانگ

ہندوستان اور انگلینڈ کے درمیان ٹسٹ سیریز ختم ہونے کے بعد آئی سی سی نے نئی رینکنگ جاری کردی ہے۔ اس میں ابھی بھی جسپریت بمراہ نمبرایک گیند باز بنے ہوئے ہیں۔ حالانکہ آخری میچ بمراہ نے نہیں کھیلا تھا۔ بمراہ کی ریٹنگ ابھی 889 کی ہے۔ اس درمیان پہلے اور دوسرے نمبر کے گیند باز کے درمیان ریٹنگ کا کافی فرق ہے۔ اس وقت ٹسٹ رینکنگ میں دوسرے نمبر پر کگیسو رباڈا ہیں، ن کی ریٹنگ 851 کی ہے۔ یعنی بمراہ کو حال فی الحال کوئی بھی خطرہ نہیں ہے۔

محمد سراج چھلانگ لگاکر 15ویں نمبر پر پہنچے

 اب بات کرتے ہیں محمد سراج اور پرسدھ کرشنا کی۔ محمد سراج نے انگلینڈ کے خلاف اوول ٹسٹ میں جس طرح کی گیند بازی کی ہے، اس سے ان کی ریٹنگ بڑھ کر 674 ہوگئی ہے۔ انہوں نے ایک ساتھ 12 مقامات کی چھلانگ لگائی ہے۔ محمد سراج اب سیدھے نمبر 15 پر پہنچ گئے ہیں۔ یہ پہلی بار ہے، جب سراج نے آئی سی سی ٹسٹ رینکنگ میں نمبر 15 کی کرسی پر قبضہ کیا ہو۔ یہ محمد سراج کی آل ٹائم ہائی رینکنگ بھی ہے۔

پرسدھ کرشنا نے بھی لگائی چھلانگ

اب بات پرسدھ کرشنا کی کرتے ہیں۔ انہوں نے ابتدائی کچھ میچوں میں تو خوب رن لٹائے، لیکن آخری میچ میں وہ بھی ہیرو کے طور پرابھر کرسامنے آئے۔ یہی وجہ رہی کہ ان کی ریٹنگ بڑھ کر اب 368 کی ہوگئی ہے۔ پرسدھ کرشنا نے اس بار ایک ساتھ 25 مقامات کی چھلانگ لگائی اور سیدھے 59 پر پہنچ گئے ہیں۔ یہ پرسدھ کرشنا کی بھی آل ٹائم ہائی رینکنگ ہے۔ اب تو سیریز ختم ہے، لیکن اگلی سیریز میں ان کی کارکردگی کیسی رہتی ہے، یہ دیکھنا کافی دلچسپ ہوگا۔