کولکاتہ نائٹ رائیڈرز نے آئی پی ایل 2024 کے پہلے کوالیفائر میچ میں سن رائزرز حیدرآباد کو 8 وکٹوں سے شکست دے دی ہے۔ کے کے آر نے چھوٹی شراکتیں بنائیں اور آخر میں وینکٹیش اور شریاس ایر کی 97 رنز کی شراکت کی بنیاد پر کوالیفائر میچ جیت کر آئی پی ایل 2024 کے فائنل میں جگہ بنالی ہے۔ ایس آر ایچ پہلے کھیلتے ہوئے 159 رنز کے اسکور تک محدود رہی۔ راہل ترپاٹھی نے ٹیم کے لیے 55 رنز کے ساتھ سب سے زیادہ رنز بنائے۔ پیٹ کمنز نے بھی آخری اوورز میں 30 رنز بنائے۔ کولکاتہ جب ہدف کا تعاقب کرنے میدان میں آیا تو اس بار فل سالٹ نہیں کھل رہا تھا اور ان کی جگہ رحمان اللہ گرباز نے سنیل نارائن کے ساتھ اوپننگ کی۔ گرباز اور نارائن کے درمیان 44 رنز کی اوپننگ شراکت نے کولکاتہ کو مستحکم آغاز فراہم کیا اور باقی کام وینکٹیش ایئر اور شریاس ایئر کی اننگز نے کیا۔
کل 160رنز کے ہدف کے تعاقب میں سنیل نارائن اور رحمن اللہ گرباز نے کے کے آر کو شاندار آغاز فراہم کیا۔ اس دوران چوتھے اوور میں گرباز 14 گیندوں پر 23 رنز بنانے کے بعد آؤٹ ہوگئے۔ اس مضبوط آغاز کی بنیاد پر کولکاتہ نائٹ رائیڈرز نے پاور پلے اوورز میں ایک وکٹ کے نقصان پر 63 رنز بنا لیے تھے۔ پاور پلے ختم ہونے کے بعد بھی کے کے آر کا رن ریٹ کم نہیں ہوا۔ 10 اوورز کے اختتام تک کولکاتہ نے 2 وکٹوں کے نقصان پر 107 رنز بنا لیے تھے اور ٹیم کو جیت کے لیے ابھی 60 گیندوں میں 53 رنز بنانے تھے۔ اس دوران وینکٹیش ائیر نے 28 گیندوں میں اپنی نصف سنچری مکمل کی جبکہ کپتان شریاس ائیر نے 23 گیندوں میں اپنی نصف سنچری مکمل کی۔ وینکٹیش ایر اور شریاس کے درمیان 97 رنز کی ناقابل شکست شراکت نے کولکاتہ نائٹ رائیڈرز کی 8 وکٹوں سے جیت کو یقینی بنایا۔اور اس طرح کولکاتہ نائٹ چوتھی بار آئی پی ایل کے فائنل میں پہنچ گئی ہے۔
کولکاتہ نائٹ رائیڈرز نے اپنا دوسرا وکٹ سنیل نارائن کی صورت میں گنوایا تھا۔ نارائن نے 16 گیندوں میں 21 رنز بنائے۔ اس کے بعد شریاس ایر اور وینکٹیش ایر نے ایسے چوکے اور چھکے لگائے کہ کے کے آر کی جیت یک طرفہ ہو گئی۔ ایک طرف، شریاس نے 24 گیندوں میں 58 رنز کی اپنی دھماکہ خیز اننگز کے دوران 5 چوکے اور 4 فلک بوس چھکے لگائے۔ دوسری جانب وینکٹیش نے 28 گیندوں میں 51 رنز کی طوفانی اننگز کھیلتے ہوئے 5 چوکے اور 4 چھکے لگائے۔ میچ کے بعد شاہ رخ خان اپنے بچوں کے ساتھ میدان میں آئے اور مداحوں کا مبارکباد قبول کیا۔
بھارت ایکسپریس۔
اتر پردیش کے مرادآباد میں اجولا یوجنا کی مستحق خواتین نے منگل کے روز مفت…
مندر کے پجاریوں پرخواتین کے ساتھ زیادتی سے متعلق مبینہ بیان کی وجہ سے تنازعہ…
مرکزی وزیر داخلہ امت شاہ نے آندھرا پردیش کے وزیر اعلیٰ این چندرابابو نائیڈو سے…
ملکی موجودہ سیاسی صورتحال کا ذکر کرتے ہوئے راجناتھ سنگھ نے یہ بھی کہا کہ…
مرکزی وزیر داخلہ امت شاہ نے ایس آئی آر (خصوصی گہری نظرثانی) کے معاملے پر…
مشہور لوک گلوکارہ کلپنا پٹواری کا چھٹھ گیت ’جگت کے پالک دیناناتھ‘ عقیدت مندوں میں…