IPL 2026: رہانے اور رگھوونشی کی شاندار بلے بازی، کے کے آر نے ایس آر ایچ کو 7 وکٹوں سے دی شکست

حیدرآباد: کولکتہ نائٹ رائیڈرز (کے کے آر) نے انڈین پریمیئر لیگ (آئی پی ایل) 2026 کے 45ویں میچ میں سن رائزرز حیدرآباد (ایس آر ایچ) کو 7 وکٹوں سے شکست دے دی۔ کے کے آر نے 9 میں سے 3 میچ جیت کر پوائنٹس ٹیبل میں آٹھویں مقام حاصل کیا ہے، جبکہ ایس آر ایچ 10 میں سے 4 میچ ہارنے کے باوجود تیسرے نمبر پر موجود ہے۔

لڑکھڑا گئی ایس آر ایچ
راجیو گاندھی انٹرنیشنل اسٹیڈیم میں ٹاس جیت کر پہلے بیٹنگ کرنے والی سن رائزرز حیدرآباد کی ٹیم 19 اوورز میں صرف 165 رنز پر آل آؤٹ ہو گئی۔ ٹیم کو ابھیشیک شرما اور ٹریوس ہیڈ کی اوپننگ جوڑی نے شاندار آغاز فراہم کیا، دونوں نے 22 گیندوں میں 44 رنز کی شراکت قائم کی۔ ابھیشیک شرما 10 گیندوں پر 15 رنز بنا کر آؤٹ ہو گئے۔

اس کے بعد ٹریوس ہیڈ نے ایشان کشن کے ساتھ دوسرے وکٹ کے لیے 32 گیندوں میں 61 رنز جوڑ کر ٹیم کو 100 کے پار پہنچایا۔ ٹریوس ہیڈ نے 28 گیندوں پر 3 چھکوں اور 9 چوکوں کی مدد سے 61 رنز بنائے، جبکہ ایشان کشن نے 29 گیندوں پر 2 چھکوں اور 4 چوکوں کے ساتھ 42 رنز کی اننگز کھیلی۔

کے کے آر کی باؤلنگ
کے کے آر کی جانب سے ورون چکرورتی نے سب سے زیادہ 3 وکٹیں حاصل کیں۔ سنیل نارائن اور کارتک تیاگی نے 2-2 وکٹیں لیں، جبکہ ویبھو اروڑہ، کیمرون گرین اور انوکول رائے کو ایک، ایک وکٹ ملی۔

کے کے آر کی بیٹنگ
ہدف کے تعاقب میں کولکتہ نائٹ رائیڈرز نے 18.2 اوورز میں میچ جیت لیا۔ ٹیم کو کپتان اجنکیا رہانے اور فن ایلن کی اوپننگ جوڑی نے تیز آغاز دیا، دونوں نے 4 اوورز میں 49 رنز جوڑے۔ فن ایلن 13 گیندوں پر 2 چھکوں اور 3 چوکوں کی مدد سے 29 رنز بنا کر آؤٹ ہوئے۔

اس کے بعد رہانے نے انگکرش رگھوونشی کے ساتھ دوسرے وکٹ کے لیے 66 گیندوں میں 84 رنز کی اہم شراکت قائم کر کے ٹیم کو جیت کے قریب پہنچا دیا۔ رہانے نے 36 گیندوں پر 1 چھکے اور 4 چوکوں کی مدد سے 43 رنز بنائے، جبکہ رگھوونشی نے 47 گیندوں پر 2 چھکوں اور 5 چوکوں کے ساتھ 59 رنز اسکور کیے۔

رنکو سنگھ نے دلائی فتح
آخر میں رنکو سنگھ نے ناٹ آؤٹ 22 رنز بنائے اور کیمرون گرین (ناٹ آؤٹ 3) کے ساتھ مل کر ٹیم کو فتح سے ہمکنار کیا۔ سن رائزرز حیدرآباد کی جانب سے پیٹ کمنز، شیوانگ کمار اور ثاقب حسین نے ایک، ایک وکٹ حاصل کی۔

بھارت ایکسپریس۔