DC vs PBKS Match Stop In Dharamshala: ہند-پاک کے درمیان کشیدگی کی وجہ سے دھرم شالہ کا میچ رد، اسٹیڈیم کی فلڈ لائٹس بند، آئی پی ایل چیئرمین نے کیا اعلان

پاکستان کے ذریعہ ہندوستان میں مختلف علاقوں میں حملہ کئے جانے کے بعد دھرم شالہ میں آئی پی ایل کا میچ رد کردیا گیا ہے۔ ہندوستان اور پاکستان کے درمیان زبردست کشیدگی کو دیکھتے ہوئے پنجاب کنگس اور دہلی کیپٹلس کے درمیان کھیلے جا رہے میچ کو درمیان میں ہی رد کردیا گیا ہے۔ آئی پی ایل چیئرمین ارون سنگھ دھومل نے اس کا اعلان کیا ہے۔ اس کے بعد لوگوں کو دھرم شالہ اسٹیڈیم سے باہر نکالا جا رہا ہے۔ جب میچ روکا گیا، اس وقت پنجاب کنگس نے 10.1 اوور میں ایک وکٹ کے نقصان پر 122 رن بنا لئے تھے۔

اس سے پہلے دھرم شالہ اسٹیڈیم میں دہلی کیپٹلس اورپنجاب کے درمیان کھیلے جا رہے میچ کوروک دیا گیا تھا اوراسٹیڈیم کی سبھی فلڈ لائٹس بند کردی گئی تھیں، لیکن بعد میں میچ کورد کرنے کا فیصلہ کیا گیا۔ آپ کو بتادیں کہ دھرم شالہ میں پنجاب کنگس اور دہلی کیپٹلس کے درمیان 8:30 بجے میچ شروع ہوا تھا۔ پنجاب کنگس کے کپتان شرے یس ایئر نے ٹاس جیتا تھا اورپہلے بلے بازی کا فیصلہ کیا تھا۔ پنجاب نے پلیئنگ الیون میں کوئی تبدیلی نہیں کی تھی۔ دہلی کی ٹیم میں وپرج نگم کی جگہ مادھو تیواری کو شامل کیا گیا تھا۔

آپ کو بتادیں کہ پنجاب کنگس اوردہلی کیپٹلس نے ابھی تک 11-11 میچ کھیلے ہیں، لیکن پوائنٹس ٹیبل میں پنجاب آگے اور دہلی پیچھے ہے۔ دونوں ٹیموں کے درمیان صرف 2 پوائنٹس کا فرق ہے، پنجاب اپنی پوزیشن مزید مضبوط کرنا چاہتا ہے تو وہیں دہلی اس فرق کو ختم کرنے کی کوشش تھی، لیکن فی الحال ابھی اس میچ کو رد کردیا گیا ہے۔