آئی پی ایل 2023 کے افتتاحی میچ میں گجرات ٹائٹنس نے چنئی سپر کنگس کو ہرا دیا۔
GT vs CSK IPL 2023: آئی پی ایل 2023 کا آغاز ہوچکا ہے۔ دھماکہ خیز افتتاحی تقریب کے بعد گجرات ٹائٹنس نے چنئی سپرکنگس کے خلاف دھماکہ خیز جیت درج کی۔ ہاردک پانڈیا نے ٹاس جیت کر پہلے گیند بازی کرنے کا فیصلہ کیا۔ چنئی سپرکنگس نے 20 اوور میں 7 وکٹ کے نقصان پر 178 رن بنائے۔ چنئی سپرکنگس کی طرف سے ریتو راج نے 92 رنوں کی شاندار اننگ کھیلی۔ جواب میں گجرات نے 19.2 اوور میں اس ہدف کو حاصل کرلیا۔
گجرات ٹائٹنس کے لئے شبھمن گل نے 63 رنوں کی اننگ کھیلی۔ آخری اووروں میں وجے شنکر، راشد خان اور راہل تیوتیا نے تیزی سے رن بنائے اور اپنی ٹیم کے لئے جیت کو یقینی بنایا۔ ایک وقت تھا جب گجرات میچ میں پیچھے رہ گئی۔ مگر اس کے بعد راشد خان اور راہل تیوتیا نے تیزی سے رن بنائے اور میچ کا پاسا پلٹ دیا۔
5 وکٹ سے گجرات کو ملی جیت
احمدآباد میں ٹاس ہارکر پہلے بلے بازی کرتے ہوئے چنئی سپرکنگس کی ٹیم مقررہ اووروں میں 7 وکٹ کے نقصان پر 178 رن بنانے میں کامیاب ہوئی تھی۔ ٹیم کے لئے اننگ کا آغاز کرتے ہوئے ریتو راج گائیکواڑ زبردست لے میں نظرآئے۔ انہوں نے کل 50 گیندوں کا سامنا کرتے ہوئے 184.00 کی اسٹرائیک ریٹ سے 92 رن سب سے زیادہ بنائے۔ اس کے علاوہ معین علی نے 17 گیندوں میں 23 اور شیوم دوبے نے 19 رنوں کی اہم اننگ کھیلی۔
-بھارت ایکسپریس
این سی پی لیڈرچھگن بھجبل کی وزیراعلیٰ دیویندرفڑنویس سے ملاقات سے متعلق قیاس آرائیاں تیزہوگئی…
سردی کی لہر کی وجہ سے دہلی پر دھند کی ایک تہہ چھائی ہوئی ہے۔…
ڈلیوال کا معائنہ کرنے والے ایک ڈاکٹر نے صحافیوں کو بتایاکہ ان کے ہاتھ پاؤں…
سنبھل میں یو پی پی سی ایل کے سب ڈویژنل افسر سنتوش ترپاٹھی نے کہاکہ…
حادثے کے فوری بعد پولیس نے ڈمپر ڈرائیور کو گرفتار کر لیاہے۔ پولیس کے مطابق…
یہ انکاؤنٹر پیلی بھیت کے پورن پور تھانہ علاقے میں ہواہے۔پولیس کو اطلاع ملنے کے…