ایف آئی ایچ خواتین جونیئر ہاکی ورلڈ کپ 2025 کے لیے بھارت کی 20 رکنی ٹیم کا اعلان کر دیا گیا ہے، جس میں 18 بنیادی اور 2 متبادل کھلاڑیاں شامل ہیں۔ ٹورنامنٹ 25 نومبر سے 13 دسمبر تک چلی کے شہر سینٹیاگو میں کھیلا جائے گا۔ بھارتی ٹیم کی قیادت جیوتی سنگھ کو سونپی گئی ہے، جبکہ نِدھی اور اینگل ہرش رانی منج گول کیپنگ کی ذمہ داری نبھائیں گی۔ ٹیم کا مقصد عالمی سطح پر اپنی کارکردگی کو پرکھنا اور ایک مضبوط تاثر قائم کرنا ہے۔
بھارت کو پول سی میں رکھا گیا ہے، جہاں اس کا مقابلہ جرمنی، آئرلینڈ اور نامیبیا سے ہوگا۔ بھارت اپنا پہلا میچ یکم دسمبر کو نامیبیا کے خلاف کھیلے گا، اس کے بعد 3 دسمبر کو جرمنی اور 5 دسمبر کو آئرلینڈ سے مقابلہ ہوگا۔ ہر گروپ سے سرِفہرست ٹیمیں 7 سے 13 دسمبر کے درمیان ہونے والے ناک آؤٹ مرحلے میں جگہ بنائیں گی۔
بھارتی خواتین ویمنز ہاکی ٹیم کے ہیڈ کوچ تشار کھانڈکر نے ٹیم کے انتخاب پر اطمینان کا اظہار کرتے ہوئے کہا کہ ”میں ٹیم کے کھیل کے انداز سے بہت خوش ہوں۔ ہاکی میں نظم و ضبط میرا بنیادی اصول ہے اور ٹیم بناتے وقت میں نے اسی کو ترجیح دی ہے۔ کھلاڑیوں نے سخت تربیت حاصل کی ہے اور اپنے کھیل میں نمایاں بہتری دکھائی ہے“۔
انہوں نے مزید کہا کہ ”ہم نے دفاعی حکمتِ عملی اور مخالف ٹیم کے گول زون میں فائنشنگ پر خصوصی توجہ دی ہے۔ گزشتہ چند مہینوں میں لڑکیوں نے کھیل میں پختگی اور اعتماد پیدا کیا ہے۔ ہم سب چلی جانے کے لیے پرجوش ہیں اور کھلاڑیاں عالمی کپ میں اپنی بہترین کارکردگی دکھانے کے لیے پرعزم ہیں“۔
ایف آئی ایچ خواتین جونیئر ہاکی ورلڈ کپ 2025 کے لیے بھارتی اسکواڈ:
گول کیپرز: نِدھی، اینگل ہرشا رانی منج
ڈیفینڈر: منیشا، لالتھن لوالانگی، ساکشی شکلا، پوجا ساہو، نندنی
مڈفیلڈرز: ساکشی رانا، اشیکا، سنیتا ٹوپو، جیوتی سنگھ، خیدیم شلےا یما چانو، بِنِما دھن
فارورڈز: سونم، پورنیما یادو، کنیکا سِواچ، حنا بانو، سکھبیر کور
متبادل کھلاڑیاں: پرینکا یادو، پاروتی ٹوپنو
بھارت ایکسپریس اردو
حکام نے آگ لگنے کی وجہ کے بارے میں ابھی کوئی معلومات فراہم نہیں کی…
کانگریس لیڈر سید ناصر حسین نے اقلیتوں کو نشانہ بنانے کا الزام لگاتے ہوئے کہا…
دودھ، انڈے، گوشت اور مچھلی کی پیداوار میں ریاست کو خود کفیل بنانے کا ہدف،…
جے رام رمیش نے اس معاملے میں ایف آئی آر درج کرنے میں تاخیر پر…
سونے کی قیمتوں میں گراوٹ کے بعد وزیر اعظم کے پرانے مشورے کی تعریف، لاکھوں…
ایس جے شنکر اور بلغاریہ کی وزیر خارجہ کے درمیان اہم مذاکرات۔ بھارت اور بلغاریہ…