T20 World Cup 2024: ہندوستان اور پاکستان کے درمیان مقابلہ کی جگہ طے، کرکٹ فینس کو بے صبری سے انتظار

T20 World Cup 2024: آئی سی سی مرد ٹی-20 ورلڈ کپ کا آئندہ سیزن سال 2024 میں ویسٹ انڈیز اورامریکہ کی میزبانی میں کھیلا جانا ہے۔ آئندہ ٹورنا منٹ میں فی الحال کئی مہینے باقی ہیں، لیکن اس سے پہلے ایک بڑی خبر نکل کرسامنے آئی ہے۔ کرکٹ مداحوں کو ہمیشہ ہی ہندوستان اور پاکستان کے مقابلے کا انتظار رہتا ہے۔ اگر یہ مقابلہ بڑے ٹورنا منٹ میں ہو تو میچ کی دلچسپی دوگنا ہوجاتی ہے۔

دی گارجین کی خبر کے مطابق، اس بارہندوستان اور پاکستان کی ٹیم نیویارک سٹی میں آمنے سامنے ہونے والی ہے۔ آئندہ ٹورنا منٹ سے متعلق دونوں ٹیموں نے ابھی سے کمرکسنا شروع کردیا ہے۔ ہندوستانی ٹیم تو ٹی-20 ورلڈ کپ کو دھیان میں رکھتے ہوئے مسلسل نوجوانوں کے درمیان استعمال کررہی ہے۔ یہی وجہ ہے کہ گزشتہ کچھ وقت سے تجربہ کار کھلاڑی محدود اووروں کے فارمیٹ میں شرکت نہیں کر رہے ہیں۔

ٹی-20 فارمیٹ میں ہندوستان اور پاکستان کا مقابلہ

ٹی-20 فارمیٹ میں ہندوستان اور پاکستان کی ٹیم اب تک کل 12 مقابلوں میں آمنے سامنے ہوئی ہے۔ اس دوران ٹیم انڈیا کا پلڑا ہمیشہ ہی پاکستان کے خلاف بھاری رہا ہے۔ ٹیم انڈیا کو پاکستان کے خلاف جہاں 9 مقابلوں میں کامیابی ہاتھ لگی ہے۔ وہیں پاکستانی ٹیم کو ہندوستانی ٹیم کے خلاف تین مقابلوں میں کامیابی ہاتھ لگی ہے۔

ہوم گراؤنڈ پر جیت۔ ہندوستان (2 جیت)، پاکستان (0 جیت)

نیوٹرل گراؤنڈ پر دونوں ٹیموں کی کارکردگی۔ ہندوستان (7 جیت)، پاکستان (2 جیت)

حال ہی میں ہندوستانی ٹیم نے پاکستان کو دی ہے شکست

حال ہی میں کھیلے گئے ورلڈ کپ 2023 میں ہندوستانی ٹیم نے پاکستان کو بڑی شکست دی ہے۔ دونوں ٹیموں کے درمیان یہ مقابلہ 14 اکتوبرکونریندرمودی اسٹیڈیم میں کھیلا گیا تھا۔ اس مقابلے میں ٹاس ہارکر پہلے بلے بازی کرتے ہوئے پاکستانی ٹیم 42.5 اووروں میں 191 رنوں پرہی ڈھیرہوگئی تھی۔ وہیں ہدف کا تعاقب کرتے ہوئے پاکستانی ٹیم نے اسے 30.3 اووروں میں تین وکٹ کے نقصان پرآسانی سے حاصل کرلیا تھا۔ میچ کے دوران ہندوستانی کپتان روہت شرما زبردست فارم میں نظر آئے۔ انہوں نے ٹیم کے لئے اننگ کا آغازکرتے ہوئے 63 گیند میں 86 رنوں کی سب سے زیادہ نصف سنچری اننگ کھیلی تھی۔