India vs Australia, 2nd ODI: ٹیم انڈیا کے بلےبازوں نے آسٹریلیا کے خلاف کردی رنوں کی برسات، جیتنے کیلئے دیا 400رنوں کا ہمالیائی اسکور

آسٹریلیا کے خلاف تین ونڈے سریز کے دوسرے مقابلے میں بھارتی بلے بازوں نے زبردست بلے بازی کا مظاہرہ کیا ہے۔ شبمن گل،شریاس ائیر،کے ایل راہل اور سوریہ کمار یادو کی  تیز ترین بلے بازی کی وجہ سے بھارت کی ٹیم نے پورے پچاس اوور میں پانچ وکٹ کے نقصان پر 399 رنوں کا ہمالیائی اسکور کھڑا کرتے ہوئے جیتنے کیلئے آسٹریلیائی ٹیم کو پورے 400رنوں کا  ہدف دیا۔

آپ کو بتادیں کہ یہ آسٹریلیا کے خلاف ون ڈے کرکٹ میں انڈین ٹیم کا اب تک کا سب سے بڑا اسکور ہے۔ اس سے پہلے ٹیم انڈیا نے نومبر 2013 میں بنگلورو ون ڈے میں 6 وکٹوں پر 283 رنز بنائے تھے۔ ہندوستانی ٹیم نے اندور ون ڈے میں 2 سنچریاں اسکور کیں۔ شریاس ائیر نے 105 رنز کی شاندار اننگز کھیلی اور شبمن گل نے 104 رنز کی شاندار اننگز کامظاہرہ کیا۔ان کے علاوہ سوریہ کمار یادو نے ناقابل شکست 72 رنز بنائے۔ جبکہ کپتان کے ایل راہل نے 52 رنز کی اننگز کھیلی۔ آسٹریلیا کی جانب سے تیز گیندباز آل راؤنڈر کیمرون گرین نے 2 وکٹیں حاصل کیں۔ہندوستانی ٹیم نے پہلے ون ڈے میچ میں 5 وکٹوں سے شاندار فتح حاصل کی تھی۔ ایسے میں اب ہندوستانی ٹیم کے پاس دوسرا ون ڈے میچ جیت کر سیریز پر قبضہ کرنے کا سنہرا موقع ہے۔

سوریہ کمار یادو نے طوفانی بلے بازی کرتے ہوئے یہاں ایک اوور میں شاندار لگاتار چار چھکے لگائے وہیں ایسا کوئی بھی اوور ان کے سامنے سے نہیں گزرا جس میں انہوں نے باونڈری نہ لگا ئی ہو۔ حیرت انگیز  بلے بازی کے بعدیادو نے اس کے پیچھے کی کہانی بتاتے ہوئے کہا کہ میری توجہ درد پر تھی،جو مجھے مضبوطی سے بلہ پکڑنے کی اجازت نہیں دے رہی تھی۔ میں تقریباً آوٹ ہو چکا تھا، مجھے احساس ہوا کہ میرے ہاتھ کا اوپر والا حصہ کام نہیں کررہا ہے۔ اس کے بعد، میں ہر گیند کو باہر بھیجنے کے لیے کوشش کررہا تھا، مجھے لگا کہ میں نے ٹیم کو صحیح جگہ پر پہنچادیا ہے۔ میں پوری اننگز میں خوش رہا۔شبمن اور میں، ہم نے ایک بہت اچھی پاری کھیلی اور ایک مضبوط پلیٹ فارم تیار کیا۔ دوسرے بلے بازوں نے بھی بہترین کھیل کا مظاہرہ کیا۔

بھارت ایکسپریس۔