IND vs BAN: ون ڈے میں 200 وکٹیں لینے والے آٹھویں ہندوستانی بولر بنے محمد شامی، بنگلہ دیش کے خلاف رقم کی تاریخ

IND vs BAN: محمد شامی نے بنگلہ دیش کے خلاف چیمپئنز ٹرافی کے پہلے میچ میں تاریخ رقم کر دی۔ انہوں نے جیکر علی کی صورت میں اپنی 200ویں ون ڈے وکٹ مکمل کی۔ وہ مچل اسٹارک کے بعد ون ڈے فارمیٹ میں تیز ترین 200 وکٹیں لینے والے دوسرے بولر بن گئے ہیں۔

بنگلہ دیش کے خلاف چیمپئنز ٹرافی کا پہلا میچ محمد شامی کا 104 واں ون ڈے میچ ہے۔ شامی نے اس میچ کے پہلے ہی اوور میں ایک وکٹ حاصل کی۔ انہوں نے سومیا سرکار کو صفر پر بولڈ کیا۔ پاور پلے میں ہی انہوں نے مہدی حسن کی صورت میں ایک اور بڑی وکٹ حاصل کی۔

جیکر علی 68 رنز بنانے کے بعد کھیل رہے تھے۔ شامی نے 43 ویں اوور کی چوتھی گیند پر وراٹ کوہلی کے ہاتھوں کیچ کروا کر اپنا 200 ون ڈے وکٹ مکمل کیا۔ شامی ون ڈے میں 200 وکٹیں لینے والے دوسرے تیز ترین گیند باز بن گئے۔ پہلے نمبر پر آسٹریلوی فاسٹ بولر مچل اسٹارک ہیں، انہوں نے یہ اعزاز 102 میچوں میں حاصل کیا۔ شامی نے 104 میچوں میں 200 وکٹیں مکمل کیں۔

یہ بھی پڑھیں- Fakhar Zaman out of tournament: پاکستانی اوپنر فخر زمان آئی سی سی چیمپئنز ٹرافی سے باہر، امام الحق لیں گے ان کی جگہ

200 وکٹیں لینے والے آٹھویں ہندوستانی گیند باز

ہندوستان کے لیے ون ڈے میں سب سے زیادہ وکٹیں لینے والے بولر انل کمبلے ہیں۔ انہوں نے 271 میچوں میں 337 وکٹ لئے ہیں۔

انل کمبلے (337)

جواگل شری ناتھ (315)

اجیت اگرکر (288)

ظہیر خان (282)

ہربھجن سنگھ (269)

کپل دیو (253)

رویندر جڈیجہ (226)

محمد شامی (200)

-بھارت ایکسپریس