IND vs BAN: بنگلہ دیش نے ٹیم انڈیا کا ٹاپ آرڈرپویلین بھیجا، فلاپ ہوئے روہت-وراٹ اور گل

IND vs BAN: چنئی میں کھیلے جا رہے پہلے ٹیسٹ میں بنگلہ دیشی گیند بازوں نے پہلے سیشن کے آغاز میں ہی شاندار گیند بازی کا مظاہرہ کیا ہے۔ بنگلہ دیش نے ٹاس جیت کر بولنگ کرنے کا فیصلہ کیا اور پہلے بلے بازی کرنے آئی ٹیم انڈیا کے ٹاپ آرڈر کو مکمل طور پر تباہ کر دیا۔ بھارت نے پہلی 3 وکٹیں روہت شرما، وراٹ کوہلی اور شبمن گل کی صورت میں صرف 34 رنز کے اسکور پر گنوا دیں۔

بنگلہ دیشی فاسٹ بولر حسن محمود نے بھارت کو پہلے تین جھٹکے لگائے۔ انہوں نے سب سے پہلے کپتان روہت شرما کو پویلین کا راستہ دکھایا۔ ہندوستانی کپتان نے 19 گیندوں میں صرف 06 رنز بنائے۔ اس کے بعد حسن محمود نے شبمن گل کو اپنا دوسرا شکار بنایا۔ گل نے 8 گیندوں کا سامنا کیا لیکن کھاتہ کھولے بغیر ہی پویلین لوٹ گئے۔

اس کے بعد وراٹ کوہلی بنگلہ دیشی پیسر کا تیسرا شکار بنے۔ کوہلی سے توقع تھی کہ وہ 2 وکٹیں جلد گرنے کے بعد اننگز کو سنبھال لیں گے، لیکن ایسا نہیں ہوا۔ کوہلی 6 گیندوں میں 6 رنز بنانے کے بعد آؤٹ ہوئے۔ اس طرح ٹیم انڈیا کا ٹاپ آرڈر 9.2 اوور میں صرف 34 رن کے اسکور پر سمٹ گیا۔

پنت اور جیسوال نے اننگز کو سنبھالا

تین وکٹیں جلد گرنے کے بعد، رشبھ پنت اور یشسوی جیسوال نے اننگز کو سنبھالا اور چوتھی وکٹ کے لیے 62 (99 گیندوں) کی شراکت داری کی۔ اس شراکت داری کی بدولت ٹیم انڈیا کو کچھ استحکام ملا۔ اس کے بعد پنت 26ویں اوور کی تیسری گیند پر پویلین لوٹ گئے۔ پنت نے 52 گیندوں میں 6 چوکوں کی مدد سے 39 رنز بنائے۔ حسن محمود نے پنت کو بھی اپنا شکار بنایا۔

یہ بھی پڑھیں- Labuschagne praises Mohammad Siraj: ’’کھیل کے تئیں محمد سراج میں جنون اور محبت ہے…‘‘، مارنس لیبوشگن نے کی ہندوستانی تیز گیند باز کی تعریف

یہ رہی پہلے سیشن کی حالت

پہلے سیشن میں ہندوستانی ٹیم نے 23 اوورز میں 88/3 رن بنائے تھے۔ پہلے سیشن میں جیسوال نے 37 اور پنت نے 44 رن بنائے تھے۔ بھارت کا ٹاپ آرڈر اس سیشن میں کچھ نہ کر سکا۔

-بھارت ایکسپریس