ICC Test Rankings: نمبر-1 کی کرسی پر قابض ٹیم انڈیا، گیند بازی میں اشون کا جلوہ، بلے بازی میں ولیمسن ٹاپ پر

ICC Test Rankings: ہندوستانی ٹیم اورآف اسپنر روی چندرن اشون بدھ کے روزآئی سی سی کی تازہ ٹسٹ رینکنگ میں ٹاپ پربرقرار ہیں۔ وہیں نیوزی لینڈ کے کپتان کین ولیمسن انگلینڈ کے جو روٹ کو پیچھے چھوڑ کر نمبرون بلے باز بن گئے ہیں۔ گزشتہ ماہ آسٹریلیا کے خلاف عالمی ٹسٹ چمپئن شپ فائنل گنوانے والی ہندوستانی ٹیم پہلے مقام پر بنی ہوئی ہے۔ وہیں مسلسل تین جیت کے بعد بھی آسٹریلیا کو نمبر ون کی پوزیشن سے نہیں ہٹا سکی ہے۔

آل راونڈر کی فہرست میں رویندر جڈیجہ نمبر ون

آف اسپنرآراشون گیند بازوں کی فہرست میں پہلے مقام پر ہیں اوران کے 860 پوائنٹ ہیں۔ آسٹریلیا کے کپتان پیٹ کمنس دو مقام کے فائدے کے ساتھ 826 پوائنٹ کے ساتھ دوسرے مقام پر پہنچ گئے ہیں۔ ہندوستان کے ہی رویندر جڈیجہ آل راونڈر کی فہرست میں 434 پوائنٹ کے ساتھ ٹاپ پربرقرارہیں۔ آراشون اس فہرست میں بھی دوسرے مقام پر بنے ہوئے ہیں، لیکن اکشرپٹیل آل راونڈرکی فہرست میں پانچویں مقام پر کھسک گئے ہیں۔

گزشتہ سال دسمبر میں کار حادثے میں زخمی ہونے کے بعد سے کرکٹ سے دوروکٹ کیپربلے بازرشبھ پنت 10ویں نمبرکے ساتھ ہندوستان کے ٹاپ بلے باز ہیں۔ وہیں کپتان روہت شرما اور وراٹ کوہلی بالترتیب 12ویں اور 14ویں مقام پرہیں۔ زبردست فارم میں رہے شبھمن گل اوڈی آئی بلے بازی رینکنگ میں پانچویں مقام پر ہیں جبکہ وراٹ کوہلی (آٹھویں) اور روہت شرما (10ویں) بھی ٹاپ-10 میں شامل ہیں۔ محمد سراج گیند بازوں کی فہرست میں ٹاپ-10 میں شامل واحد ہندوستانی ہیں۔ وہ دوسرے مقام پرہیں۔

یہ بھی پڑھیں:  IPL 2024: محمد عامر آئی پی ایل 2024 کا حصہ ہوں گے؟ خود دیا یہ اہم جواب

کین ولیمسن نمبر ون بلے باز

انگلینڈ کے سابق ٹسٹ کپتان جو روٹ پانچویں مقام پر کھسک گئے ہیں، جس سے کین ولیمسن ایک بارپھر نمبرایک بلے باز بن گئے ہیں۔ ولیمسن چھٹی بار رینکنگ کے ٹاپ پر پہنچے تھے۔ انہوں نے پہلی بار نومبر 2015 میں ٹاپ رینکنگ حاصل کی تھی۔ وہ گزشتہ بار اگست 2021 میں نمبر ون بلے باز بنے تھے۔ انگلینڈ کے خلاف دوسرے ایشیزٹسٹ میں 110 اور 34 رنوں کی اننگ کھیل کر مین آف دی میچ بنے آسٹریلیا کے اسٹیو اسمتھ چار مقام کی چھلانگ کے ساتھ دوسرے مقام پر پہنچ گئے ہیں۔

یہ بھی پڑھیں:  World Cup 2023: پاکستانی آل راونڈر کا بڑا بیان، ہندوستان کے خلاف کھیلنے سے متعلق کہہ دی یہ بڑی بات

اسمتھ نے گزشتہ بار جون 2021 میں کین ولیمسن کو پیچھے چھوڑ کر ٹاپ رینکنگ حاصل کی تھی۔ وہ کچھ ہفتوں کے لئے ٹاپ پر رہے تھے، جس کے بعد کین ولیمسن دوبارہ نمبرایک بلے باز بنے تھے۔ ہفتہ واری رینکنگ اپڈیٹ میں کین ولیمسن کے 883 ریٹنگ پوائنٹ سے اسمتھ صرف ایک پوائنٹ پیچھے ہے۔ تیسرے مقام پرموجود مارنس لابوشین (873) اورٹریوس ہیڈ کے درمیان بھی صرف ایک پوائنٹ کا فرق ہے۔ جبکہ انگلینڈ کے بلے باز بین ڈکیٹ 24 مقام کی چھلانگ کے ساتھ پہلی بارٹاپ-20 میں جگہ بنانے میں کامیاب رہے ہیں۔ انہوں نے دوسرے ایشیز ٹسٹ میں 98 اور 83 رنوں کی اننگ کھیلی۔ دوسری اننگ میں 155 رن بنانے کے بعد انگلینڈ کے کپتان بین اسٹوکس بھی 9 مقام کی چھلانگ کے ساتھ 33ویں مقام پر ہیں۔