ICC ODI Rankings: آئی سی سی ون ڈے رینکنگ میں راشد خان، ڈیرل مچل اور عظمت اللہ عمرزئی سرفہرست، جانئے بھارتی کھلاڑیوں کا کیا ہے مقام

دبئی: بنگلہ دیش نے حال ہی میں اپنے میدان پر کھیلی گئی ون ڈے سیریز میں آسٹریلیا کو 2-1 سے شکست دی تھی۔ اس سیریز میں بنگلہ دیشی گیند بازوں نے شاندار کارکردگی کا مظاہرہ کیا، جس کا فائدہ انہیں بدھ کے روز جاری ہونے والی آئی سی سی ون ڈے رینکنگ میں بھی حاصل ہوا۔

راشد خان بدستور پہلے نمبر پر

آئی سی سی کی تازہ ون ڈے بولنگ رینکنگ کے مطابق افغانستان کے راشد خان پہلے، پاکستان کے ابرار احمد دوسرے، انگلینڈ کے جوفرا آرچر تیسرے، جنوبی افریقہ کے کیشو مہاراج چوتھے، سری لنکا کے مہیش تھیکشانا پانچویں، انگلینڈ کے عادل رشید چھٹے، بھارت کے کلدیپ یادو ساتویں، بنگلہ دیش کے مہدی حسن مرزاٹھویں، پاکستان کے شاہین شاہ آفریدی نویں اور نیوزی لینڈ کے مچل سینٹنر دسویں نمبر پر موجود ہیں۔

بنگلہ دیشی گیند بازوں کو نمایاں فائدہ

تازہ رینکنگ میں بنگلہ دیش کے فاسٹ بولرز شریف الاسلام، مستفیض الرحمٰن اور تسکین احمد نے نمایاں ترقی حاصل کی ہے۔ شریف الاسلام نے آسٹریلیا کے خلاف آخری ون ڈے میں چھ وکٹیں حاصل کی تھیں، جس کے نتیجے میں وہ دس درجے ترقی کرکے 18ویں نمبر پر پہنچ گئے ہیں۔ بائیں ہاتھ کے تیز گیند باز مستفیض الرحمٰن بارہ درجے ترقی کرکے 25ویں نمبر پر آ گئے ہیں، جبکہ تسکین احمد پانچ درجے بہتری کے ساتھ 27ویں پوزیشن پر پہنچ گئے ہیں۔

ڈیرل مچل کی پہلی پوزیشن برقرار

ون ڈے بلے بازوں کی درجہ بندی میں نیوزی لینڈ کے ڈیرل مچل پہلے نمبر پر ہیں، جبکہ بھارت کے وراٹ کوہلی دوسرے اور افغانستان کے ابراہیم زدران تیسرے نمبر پر موجود ہیں۔ بھارت کے روہت شرما چوتھے، شبمن گل پانچویں، پاکستان کے بابر اعظم چھٹے، ویسٹ انڈیز کے شائے ہوپ ساتویں، آئرلینڈ کے ہیری ٹیکٹر آٹھویں، بھارت کے کے ایل راہل نویں اور سری لنکا کے چریتھ اسالنکا دسویں نمبر پر ہیں۔

آل راؤنڈرز میں عظمت اللہ عمرزئی سرفہرست

ون ڈے آل راؤنڈرز کی رینکنگ میں افغانستان کے عظمت اللہ عمرزئی پہلے نمبر پر براجمان ہیں، جبکہ زمبابوے کے سکندر رضا دوسرے اور افغانستان ہی کے محمد نبی تیسرے نمبر پر ہیں۔ بنگلہ دیش کے مہدی حسن مرزا چوتھے، افغانستان کے راشد خان پانچویں، نیوزی لینڈ کے مائیکل بریسویل چھٹے، برینڈن میک ملن ساتویں، مچل سینٹنر آٹھویں، سری لنکا کے ونندو ہسرنگا نویں اور بھارت کے اکشر پٹیل دسویں نمبر پر موجود ہیں۔ آئی سی سی کی تازہ درجہ بندی میں بنگلہ دیشی کھلاڑیوں کی نمایاں پیش رفت اور افغانستانی کھلاڑیوں کی مختلف زمروں میں بالادستی نمایاں طور پر دیکھنے کو ملی ہے۔

بھارت ایکسپریس۔