Champions Trophy 2025: ‘ دماغ نہیں ہے، اے آئی سے  بنائی ٹیم…’ پاکستان کی شکست پرشعیب اختر سے لے کر وسیم اکرم نے ناراضگی ظاہر کی

چیمپئنز ٹرافی 2025 میں پاکستان کرکٹ ٹیم کا اب تک کا سفر شرمناک رہا ہے۔ ہوم گراؤنڈ پر نیوزی لینڈ سے پہلا میچ ہارنے کے بعد دوسرے میچ میں بھارت کے ہاتھوں شکست ہوئی۔ یہ دونوں شکست شرمناک ہیں ،کیونکہ پاکستان ان  میچ کبھی بھی  پریشر بنانے میں ناکام رہا، بیٹنگ ہو یا بولنگ، ہر فلیڈ میں ٹیم فلاپ ہوئی ہے۔ اب ٹیم چیمپئنز ٹرافی سے باہر ہونے والی ہے ۔ ایسے میں پاکستان ٹیم کے سابق کھلاڑیوں کا ناراض ہونا فطری امر ہے۔ شعیب اختر نے انتظامیہ پر سوال اٹھاتے ہوئے کہا کہ ان کا دماغ نہیں ہے۔ وسیم اکرم، انضمام الحق جیسے تجربہ کاروں نے بھی پی سی بی انتظامیہ پر تنقید کی۔

پاکستان کی بھارت سے شکست کے بعد شعیب اختر نے کئی ویڈیوز شیئر کیں۔ ایک ویڈیو میں انہوں نے پی سی بی انتظامیہ پر برہمی کا اظہار کیا۔ انہوں نے کہا کہ میں بالکل مایوس نہیں ہوں کیونکہ میں جانتا ہوں کہ کیا ہونے والا ہے، دنیا 6 بولرز کے ساتھ کھیل رہی ہے اور ہم 5 کے ساتھ نہیں کھیلتے، آپ آل راؤنڈر کے ساتھ جاتے ہیں، یہ ذہین انتظامیہ نہیں ہے، میں بہت مایوس ہوں، اب ہم بچوں (کھلاڑیوں) کو کیا بتائیں، وہ کچھ نہیں جانتے۔ ان کے پاس (پاکستانی کھلاڑی ) وراٹ کوہلی ، روہت شرمایا شبمن گل کی طرح اسکل سیٹ نہیں ہے  ۔”

مایوس وسیم اکرم نے پاکستان ٹیم کا مذاق اڑایا

وسیم اکرم کا کہنا تھا کہ ‘پاکستان مینجمنٹ کو اب کچھ جرات مندانہ فیصلے کرنے چاہئیں، یہ صحیح وقت ہے، ہمیں محدود اوورز کے کھیل میں نوجوانوں کو لانا ہوگا، چاہے اس کے لیے آپ کو ٹیم سے 5-6 کھلاڑی ہی کیوں نہ بدلنے پڑیں، اب ٹیم کو 2026 کے ورلڈ کپ کے بارے میں سوچتے ہوئے آگے کی منصوبہ بندی کرنی ہوگی، اگر ہم ہار گئے تو بھی اگلے 6 ماہ تک نوجوانوں کو سپورٹ کریں’۔

پاکستان ٹیم کا مذاق اڑاتے ہوئے وسیم اکرم نے لائیو شو میں کہا، “ایک آدمی نجومی کو ہاتھ دکھاتا ہے، نجومی کہتا ہے، تم غریب ہو جاؤ گے، پھر اور غریب ہو جاؤ گے، پھر تمہیں غربت کی عادت ہو جائے گی، یہی  ہماری ٹیم کا حال ہے”۔

بھارت ایکسپریس