FIFA World Cup 2026: فیفا ورلڈ کپ 2026 میں عجب اتفاق، 18 برس پرانی یادگار تصویر کے بعد قسمت نے دوبارہ ملایا، فائنل میں آمنے سامنے ہوں گے لیونل میسی اور لامین یامال

نیویارک: دفاعی چیمپئن ارجنٹینا نے انگلینڈ کو سے شکست دے کر فیفا ورلڈ کپ 2026 کے فائنل میں جگہ بنا لی ہے، جہاں اس کا مقابلہ یورپی چیمپئن اسپین سے ہوگا۔ اس کے ساتھ ہی فٹبال کے دو مختلف ادوار کی علامت سمجھے جانے والے لیونل میسی اور لامین یامال پہلی بار میدان میں ایک دوسرے کے مدمقابل ہوں گے۔ اگرچہ 39 سالہ لیونل میسی اور 19 سالہ لامین یامال پہلی مرتبہ ایک دوسرے کے خلاف کھیلیں گے، لیکن دونوں کی ملاقات آج سے تقریباً 18 برس پہلے ہو چکی تھی۔ سال 2008 میں بارسلونا کے کیمپ نو اسٹیڈیم میں کاتالان اخبار ڈیاریو اسپورٹ کے زیر اہتمام ایک خیراتی فوٹو شوٹ کے دوران اُس وقت کے 20 سالہ میسی نے ننھے لامین یامال کو، جو اپنی والدہ شیلا ایبانا کے ساتھ ایک چھوٹے سے پلاسٹک کے ٹب میں موجود تھے، گود میں اٹھا کر تصویر کھنچوائی تھی۔ یہ تاریخی تصویر فری لانس فوٹوگرافر جوان مونفورٹ نے لی تھی۔

یونیسیف نے یادگار تصویر شیئر کر کے سفر کو سراہا

ورلڈ کپ فائنل سے قبل یونیسیف نے سوشل میڈیا پلیٹ فارم ایکس پر میسی اور ننھے یامال کی وہ مشہور تصویر شیئر کرتے ہوئے لکھا کہ 18 برس قبل ایک خیراتی مہم کے دوران لامین یامال اور ان کی والدہ کی ملاقات لیونل میسی سے ہوئی تھی۔ تنظیم نے کہا کہ آج دونوں نہ صرف میدان میں لاکھوں لوگوں کے لیے تحریک ہیں بلکہ بچوں کے حقوق کے لیے یونیسیف کے خیر سگالی سفیر کی حیثیت سے بھی اہم کردار ادا کر رہے ہیں۔

Yes, those photos you’ve seen are real.

More than 18 years ago, a baby named Lamine Yamal and his mom Sheila met Lionel Messi at a UNICEF fundraising photoshoot.

Today, their achievements on the pitch inspire millions. Off the pitch, both Messi and Lamine Yamal use their voices… pic.twitter.com/TSoUPDxia2

— UNICEF (@UNICEF) July 16, 2026

بارسلونا نے بھی شیئر کی تاریخی تصویر

ہسپانوی کلب بارسلونا نے بھی اس یادگار تصویر کو اپنے سوشل میڈیا اکاؤنٹ پر شیئر کرتے ہوئے اسے ’’جادوئی تصویر‘‘ قرار دیا۔ یہ تصویر گزشتہ چند دنوں سے دنیا بھر میں فٹبال شائقین کے درمیان دوبارہ موضوع گفتگو بنی ہوئی ہے، کیونکہ اب یہی ننھا بچہ عالمی فٹبال کے عظیم ترین کھلاڑی کے خلاف ورلڈ کپ فائنل کھیلنے جا رہا ہے۔

Magical photo by the @FundacioFCB 💙❤️

The story behind this photo 👉 https://t.co/Nzm1L6Ou3h

📸 Joan Monfort (Diari Sport) pic.twitter.com/ukT4XgyNph

— FC Barcelona (@FCBarcelona) July 16, 2026

میسی بمقابلہ یامال، فائنل پر دنیا کی نظریں

اسپین نے سیمی فائنل میں فرانس کو 0-2 سے شکست دے کر فائنل میں جگہ بنائی، جبکہ ارجنٹینا نے انگلینڈ کے خلاف ایک گول سے پیچھے ہونے کے باوجود 1-2 سے شاندار واپسی کرتے ہوئے فیصلہ کن کامیابی حاصل کی۔ میسی اس وقت گولڈن بوٹ کی دوڑ میں سرفہرست ہیں، جبکہ یامال، جو 17 برس کی عمر میں بیلون ڈی اور کے لیے نامزد ہونے والے کم عمر ترین فٹبالر بنے تھے، اب اپنے کیریئر کا سب سے بڑا مقابلہ کھیلنے جا رہے ہیں۔ ورلڈ کپ 2026 کا یہ فائنل صرف دو ٹیموں کی جنگ نہیں بلکہ دو نسلوں کے عظیم ترین ستاروں کے درمیان ایک تاریخی مقابلہ بھی ہوگا۔

بھارت ایکسپریس اردو۔