Women’s World Cup 2025:ویمنزورلڈ کپ فائنل میں پہلی بار پہنچی جنوبی افریقی ٹیم، کپتان لورا وولوارٹ ہوئیں جذباتی

انگلینڈ کو 125 رنز سے شکست دے کر پہلی بار خواتین کے ون ڈے ورلڈ کپ کے فائنل میں پہنچنے کے بعد جنوبی افریقہ کی کپتان لورا وولوارٹ نے کہا کہ یہ ایک “غیر حقیقی” احساس ہے۔ وولوارڈٹ نے 143 گیندوں پر 169 رنز کی شاندار اننگز کھیل کر جنوبی افریقہ کو سات وکٹوں پر 319 رنز تک پہنچایا اور پھر ماریزان کیپ کے 20 رنز پر دے  کر پانچ  وکٹ کی بدولت  ٹیم نے انگلینڈ کو 194 رنز پر آؤٹ کر کے شاندار جیت درج  کی۔لورا وولوارٹ نے میچ کے بعد کی پریزنٹیشن تقریب کے دوران کہا، “یہ اب بھی تھوڑا سا حقیقی محسوس ہوتا ہے۔ مجھے لگتا ہے کہ بچپن میں آپ ورلڈ کپ کے ناک آؤٹ میچ میں سنچری بنانے کا خواب دیکھتے ہیں۔ یہ ایک بہت ہی خاص دن تھا اور مجھے خوشی ہے کہ ہم آخر میں جیت گئے۔ ہمیں معلوم تھا کہ آغاز بہت  اہم ہوگا۔”

انہوں نے کہا، “ہر کوئی بہت پرجوش ہے۔ گزشتہ دو ٹورنامنٹس میں سیمی فائنل میں اس حریف سے ہارنے کے بعد ٹیم بہت مایوس تھی۔ ہم آج رات جیت کر بہت خوشی محسوس کررہے ہیں۔” انہوں نے  اپنی ساتھی اوپنر تاجمین برٹس (45) کی بھی تعریف کی، جن کے ساتھ انہوں  نے 116 رنز کی اوپننگ شراکت داری کی۔”یہ ایک اچھی وکٹ تھی، اس لیے سب ہم آگے بڑھنا چاہتے تھے۔ یہ واقعی اچھی بات ہے کہ ہم ایک بڑا سکور حاصل کرنے میں کامیاب رہے، کیونکہ وکٹ کافی فلیٹ تھی۔ میرے خیال میں میرے ذہن میں یہ بات تھی کہ میرے پاس بہتر شاٹس تھے (آخر میں لیج سائیڈ پر بڑے کی بات کرتے  ہوئے)، لیکن میں صرف 40ویں اوور تک پہچنا   چاہتی تھی،”

انگلینڈ کی کپتان نیٹ سکیور برنٹ نے اعتراف کیا کہ ان کی ٹیم نے آج رات اپنی بہترین کارکردگی کا مظاہرہ نہیں کیا۔ انہوں نے کہا کہ جنوبی افریقہ کے دونوں بلے بازوں نے ناقابل یقین اننگز کھیلی۔ “ہم نے آج اپنی بہترین کارکردگی کا مظاہرہ نہیں کیا اور بہترین ٹیموں کو ہرانے کے لیے آپ کو پورا کھیل ایک ساتھ رکھنا  ہوتا ہے۔ ہم نے ایسا نہیں کیا، اور ہم بہت مایوس ہیں۔ اسے سمجھنے میں کچھ وقت لگے گا۔”اسکائ یور برنٹ نے کہا، میں ان 50 اوورز کے دوران سب کی توانائی دیکھ کر بہت خوش ہوں۔ کیپ نے عمدہ گیند بازی کی ۔ ہم اسی طرح شروع کرنا چاہتے تھے، جس طرح اس نے کیا۔ لورا وولوارٹ کی طرح بیٹنگ کرنا آسان نہیں تھا۔”

بھار ت ایکسپریس اردو