BCCI takes major action: بی سی سی آئی کی بڑی کارروائی، اسسٹنٹ کوچ ابھیشیک نائر اور فیلڈنگ کوچ دلیپ کوچنگ اسٹاف سے ہٹائے گئے

ہندوستانی کرکٹ کنٹرول بورڈ (بی سی سی آئی) نے چونکانے والا فیصلہ لیتے ہوئے اسسٹنٹ کوچ ابھیشیک نائر اور فیلڈنگ کوچ ٹی دلیپ کو ٹیم کے کوچنگ اسٹاف سے ہٹا دیا ہے۔ بی سی سی آئی نے یہ کارروائی آسٹریلیا میں بارڈر-گواسکر ٹرافی 25-2024 میں ہندوستان کی شرمناک شکست کے بعد کی ہے۔ میڈیا رپورٹس کے مطابق کوچنگ اسٹاف اور بھی کئی اراکین کو ہٹا کر بی سی سی آئی نے سخت انتباہ کیا ہے کہ ٹیسٹ میں ہندوستانی ٹیم کے مظاہرہ کو نظر انداز نہیں کیا جا سکتا۔

فیلڈنگ کوچ ٹی دلیپ اور اسٹرینتھ اینڈ کنڈیشنگ کوچ سوہم دیسائی بھی برخاست

ابھیشیک نائر کو ہندوستانی ٹیم کا اسسٹنٹ کوچ مقرر ہوئے ابھی صرف آٹھ مہینے ہی ہوئے تھے، جب گوتم گمبھیر نے کوچ کا عہدہ سنبھالا تھا۔ وہ گوتم گمبھیر کے قریبی مانے جاتے تھے۔ لیکن اب انہیں ٹیم کی ذمہ داریوں سے آزاد کر دیا گیا ہے۔ اس کے ساتھ فیلڈنگ کوچ ٹی دلیپ اور اسٹرینتھ اینڈ کنڈیشنگ کوچ سوہم دیسائی کو بھی برخاست کر دیا گیا ہے۔

شرمناک شکست کے بعد ابھیشیک پر سوال اٹھے

واضح رہے کہ ٹی-20 عالمی کپ 2024 کے بعد راہل دراوڑ کی مدت کار ختم ہو گئی تھی۔ اس کے بعد گوتم گمبھیر کو ٹیم کا کوچ بنایا گیا تھا۔ گمبھیر نے اپنے معاونین کے طور پر کولکاتا نائٹ رائڈرس سے جڑے اپنے کئی ساتھیوں کو ٹیم سے جوڑا تھا۔ لیکن نیوزی لینڈ اور آسٹریلیا کے خلاف ٹیسٹ سیریز میں شرمناک شکست کے بعد ابھیشیک پر سوال کھڑے ہو رہے تھے۔

بی سی سی آئی نے اس کے بعد این سی اے اور ہندوستان-اے کے کوچ ستانشو کوٹک کو محدود اوور کی کرکٹ کے لیے بطور بلے بازی کوچ ٹیم انڈیا سے جوڑا تھا۔ ہندوستان نے پھر چمپئن ٹرافی اپنے نام کر لیا تھا۔ حالانکہ تب تک ابھیشیک، ریان ٹین، مورکل اور دلیپ بھی ٹیم اسٹاف کا حصہ تھے۔ اب دلیپ، سوہم اور ابھیشیک کو برخاست کر دیا گیا ہے جبکہ باقی اپنے عہدے پر برقرار رہیں گے۔

بھارت ایکسپریس اردو۔