India vs Australia 1st Test:  سرفراز خان نے پکڑا ایسا کیچ، ہنستے ہنستے میدان پرلیٹ گئے رشبھ پنت، آپ بھی دیکھئے ویڈیو

Australia vs India 1st Test: ٹیم انڈیا ان دنوں پرتھ میں جم کرپریکٹس کررہی ہے۔ پہلا مقابلہ ہندوستانی ٹیم روہت شرما اور شبھمن گل کے بغیرکھیلنے والی ہے۔ شبھمن گل چوٹ کے سبب پرتھ ٹسٹ سے محروم رہنے والے ہیں تو وہیں روہت شرما حال ہی میں دوسری بار والد بنے ہیں۔ اس درمیان پرتھ سے ٹیم انڈیا کے پریکٹس سیشن کا ایک ویڈیو سامنے آیا ہے، جس کو دیکھ کرآپ بھی اپنی ہنسی نہیں روک پائیں گے۔ اس ویڈیو میں وراٹ کوہلی، رشبھ پنت، سرفراز خان اوردھروجریل نظرآرہے ہیں۔ سوشل میڈیا پریہ دلچسپ ویڈیو کافی وائرل ہو رہا ہے۔

سرفرازخان کو دیکھ کرہنسنے لگے کھلاڑی

دراصل، اس ویڈیو میں وراٹ کوہلی، رشبھ پنت، سرفرازخان اوردھرو جریل کیچ کی پریکٹس کرتے ہوئے دکھائی دے رہے ہیں۔ اس دوران سرفرازخان کی طرف گیند آتی ہے اوروہ اس کو لپک لیتے ہیں۔ سرفراز خان کا کیچ پکڑنے کا اسٹائل دیکھ کروراٹ کوہلی، رشبھ پنت اور دھروجریل اپنی ہنسی روک نہیں پاتے ہیں۔ یہاں تک کہ رشبھ پنت تو ہنستے ہنستے میدان پرلوٹ جاتے ہیں۔ اب ان کھلاڑیوں کا یہ دلچسپ ویڈیوسوشل میڈیا پرسامنے آیا ہے۔

22 نومبر سے کھیلا جائے گا پہلا میچ

بارڈرگواسکرٹرافی میں ہندوستان اورآسٹریلیا کے درمیان پانچ میچوں کی ٹسٹ سیریزکھیلی جائے گی، جس کا پہلا میچ 22 نومبرکو پرتھ میں کھیلا جائے گا۔ روہت شرما کی غیرموجودگی میں جسپریت بمراہ پرتھ ٹسٹ میں ٹیم انڈیا کی کپتانی کرتے ہوئے دکھائی دے سکتے ہیں۔ وہیں اب کپتانی سے متعلق گیند بازی تک میں جسپریت بمراہ کے اوپرٹیم کا دارومدارہونے والا ہے۔

پہلے ٹسٹ میچ میں روہت شرما کی غیرموجودگی میں یشسوی جیسوال کے ساتھ کے ایل راہل اننگ کی شروعات کرتے ہوئے دکھائی دے سکتے ہیں۔ اس کے علاوہ شبھمن گل کی جگہ نمبرتین پردیو دت پڈکّل بلے بازی کرتے ہوئے نظرآسکتے ہیں۔