Asia Cup 2023: صرف بابر اعظم-محمد رضوان پر منحصر نہیں رہے گا پاکستان، ایشیا کپ کے لئے ایسی ہوسکتی ہے 15 رکنی ٹیم

Pakistan Team Asia Cup 2023: ایشیا کپ 2023 کا آغاز 30 اگست کو پاکستان اورنیپال کے درمیان میچ سے ہوگا۔ پاکستان کرکٹ بورڈ نے ابھی تک اس ٹورنا منٹ کے لئے اپنی ٹیم کا اعلان نہیں کیا۔ 2 ستمبر کو ایشیا کپ میں پاکستان کی ٹیم ہندوستان سے مقابلہ کرے گی۔ جانئے 2023 ایشیا کپ کے لئے پاکستان کی ممکنہ 15 رکنی ٹیم کیسے ہوسکتی ہے۔

ایسا ہوگا بلے بازی شعبہ

ایشیا کپ کے لئے پاکستان کی ٹیم میں اوپننگ کے لئے پسند فخرزماں اورامام الحق رہیں گے۔ اس کے علاوہ شان مسعود کو ریزروسلامی بلے بازکے طورپرٹیم میں جگہ مل سکتی ہے۔ وہیں کپتان بابراعظم اوروکٹ کیپر بلے بازمحمد رضوان کا تین اورچارنمبرپرکھیلنا طے ہے۔ اس کے بعد پانچ اور 6 پرافتخاراحمد اور آغا سلمان کھیلتے دکھائی دے سکتے ہیں۔

آل راونڈرکی بات کریں تو پاکستان کی ٹیم میں نائب کپتان شاداب خان اورلیفٹ آرم اسپنرمحمد محمد نوازکے طورپردوبہترین آل راونڈرکھلاڑی ہیں۔ دونوں ہی شانداراسپن کے ساتھ ساتھ طوفانی بلے بازی کرنے میں ماہر ہیں۔ افتخاراحمد بھی ان کا ساتھ دے سکتے ہیں۔

گیند بازی شعبہ

گیند بازی محکمہ کی بات کریں تومحمد نوازاورشاداب خان دو اسپنرہوں گے۔ 15 رکنی ٹیم میں اسامہ میرکو تیسرے اسپنرکے طورپرمنتخب کیا جاسکتا ہے۔ اس کے علاوہ تیزگیند بازی شعبہ کی ذمہ داری حارث روف، شاہین شاہ آفریدی، نسیم شاہ اور وسیم جونیئر کے کندھوں پررہ سکتی ہے۔

یہ بھی پڑھیں:  World Cup 2023: ہندوستان کے خلاف میچ میں یہ 4 کھلاڑی ثابت ہوں گے میچ ونر، سابق پاکستانی کپتان کی بڑی پیشین گوئی

پاکستان کی ممکنہ 15 رکنی ٹیم

فخرزماں، امام الحق، بابراعظم (کپتان)، محمد رضوان (وکٹ کیپر)، آغا سلمان، افتخاراحمد، شاداب خان (نائب کپتان)، محمد نواز، حارث روف، شاہین شاہ آفریدی، نسیم شاہ، محمد وسیم جونیئر، شان مسعود، اسامہ میراورمحمد حارث (ریزرو وکٹ کیپر)۔