T20 World Cup 2024 : کامران اکمل کے بعد اس سابق پاکستانی کرکٹر نےدیا توہین آمیز بیان،سکھوں کے بعد بنایا پٹھانوں کو نشانہ

ٹی ٹوئنٹی ورلڈ کپ 2024 میں پہلے دو میچ ہارنے کے بعد پاکستان نے کینیڈا کے خلاف پہلی جیت حاصل کی۔ یہ T20 ورلڈ کپ 2024 کا 22 واں اور اس ٹورنامنٹ میں پاکستان کا تیسرا میچ تھا۔ لیکن پاکستان کی یہ جیت ایک چھوٹی ٹیم کے خلاف ہوئی اس کے کھلاڑیوں کی کارکردگی پر اب بھی سوالات اٹھ رہے ہیں۔ پاکستان کرکٹ ٹیم کے اندر جاری ہنگامہ آرائی میں ایک اور تنازعہ شامل ہو گیا ہے۔ اس بار سابق پاکستانی کرکٹر اعجاز احمد نے پاکستان کے نیشنل ٹی وی چینل پر ایسی بات کہہ دی جس نے پورے پاکستان میں کھلبلی مچا دی۔

اعجاز احمد نے پٹھانوں کو نشانہ بنایا

سابق پاکستانی کرکٹر اعجاز احمد نے حال ہی میں ایک متنازعہ بیان دیا ہے ۔جس کی وجہ سے پاکستان میں انہیں کافی تنقید کا نشانہ بنایا جا رہا ہے۔ پاکستانی کرکٹ ٹیم کی کارکردگی کے بارے میں بات کرتے ہوئے اعجاز احمد کا کہنا تھا کہ ’’ٹیم کا 80 فیصد حصہ خیبر پختونخوا جیسے دور دراز علاقوں سے آتے ہیں ۔جہاں کے کھلاڑی پڑھے لکھے نہیں ہوتے۔‘‘ انہوں نے یہ بھی کہا کہ یہ کھلاڑی صرف صبح اٹھ کر نماز پڑھتے ہیں۔ اور پھر گھر سے باہر نہیں نکلتے، اس وجہ سے وہ دباؤ میں اچھی کارکردگی نہیں کر پاتے۔”

چینل کے مالک نے خود کو بیان سے الگ کر لیا

اعجاز احمد کے اس تبصرے کو پاکستان میں پٹھان برادری کے لیے انتہائی بے ہودہ اور توہین آمیز قرار دیا گیا ہے۔ یہی نہیں جس چینل پر یہ انٹرویو ہوا اس کے مالک سلمان اقبال کو بھی اس بیان سے خود کو دور کرنا پڑا۔ انہوں نے کہا کہ اعجاز احمد کا یہ بیان ان کا اور ان کے چینل کا نظریہ نہیں ہے اور انہیں پٹھان برادری سے معافی مانگنی چاہیے۔

کامران اکمل نے سکھ برادری پر کیا تھا تبصرہ

پاک بھارت میچ میں جب بھارتی کھلاڑی ارشدیپ سنگھ کو آخری اوور کرانا پڑا تو سابق پاکستانی کھلاڑی کامران اکمل نے نیوز چینل پر کہا کہ کچھ بھی ہو سکتا ہے 12 بج گئے  ہیں… کسی کو  نہیں دینا چاہیے 12 بجے اوور ۔” اکمل کے اس بیان پر ہربھجن سنگھ سخت ناراض ہوئے جس کے بعد اکمل نے معافی مانگ لی تھی۔

پاکستان کرکٹ ٹیم پوائنٹس ٹیبل میں کہاں ہے؟

پاکستان کرکٹ ٹیم گروپ اے کا حصہ ہے۔ اس گروپ میں بھارت، امریکہ، کینیڈا اور آئرلینڈ بھی شامل ہیں۔ پاکستان نے اس ٹورنامنٹ میں 24ویں میچ تک 3 میچز کھیلے ہیں۔ ان میں سے پاکستان نے صرف ایک میچ جیتا ہے۔ پاکستان پوائنٹس ٹیبل میں 2 پوائنٹس اور +0.191 نیٹ رن ریٹ کے ساتھ تیسرے نمبر پر ہے۔

بھارت ایکسپریس