محمد نبی اور نور احمد کی جادوئی اسپن کے بعد رحمت شاہ اور حشمت اللہ شاہدی کی شاندار بلے بازی کی بدولت افغانستان نے نیدرلینڈز کو سات وکٹوں سے شکست دے دی۔ یہ اس ورلڈ کپ میں افغانستان کی چوتھی فتح ہے۔ اس کے ساتھ ہی وہ پوائنٹس ٹیبل میں پانچویں نمبر پر آ گئی ہیں اور سیمی فائنل کے لیے بھی دعویٰ کر چکی ہے۔
لکھنؤ میں کھیلے گئے اس میچ میں نیدر لینڈ کی ٹیم پہلے کھیلتے ہوئے صرف 179 رنز بنا سکی۔ جواب میں افغانستان نے ہدف کا تعاقب انتہائی آسانی سے صرف 31.3 اوورز میں تین وکٹوں کے نقصان پر کر لیا۔ اس ورلڈ کپ میں افغانستان کی یہ مسلسل تیسری فتح ہے۔ ہالینڈ سے پہلے افغانستان نے پاکستان اور سری لنکا کو شکست دی تھی۔
افغانستان کی اس جیت کے ہیرو کپتان حشمت اللہ شاہدی اور رحمت شاہ تھے۔ دونوں نے نصف سنچریاں اسکور کیں۔ رحمت شاہ نے 52 رنز بنائے جبکہ شاہدی 56 رنز بنانے کے بعد ناقابل شکست واپس لوٹ گئے۔ اس سے قبل محمد نبی اور نور احمد نے گیند بازی میں کمال کیا تھا۔
ہالینڈ کی جانب سے دیئے گئے 180 رنز کے معمولی ہدف کے تعاقب میں افغانستان کی شروعات اچھی رہی۔ ٹیم کی پہلی وکٹ 27 کے سکور پر گری۔ اوپنر رحمان اللہ گرباز بدقسمتی سے دو چوکے لگانے کے بعد وکٹ کے پیچھے کیچ ہو گئے۔ لوگن وان بیک نے انہیں 10 رنز کے ذاتی سکور پر پویلین بھیجا۔
27 کے سکور پر پہلی وکٹ گرنے کے بعد ابراہیم زدران اور رحمت شاہ نے ذمہ داری سنبھالی۔ رحمت نے 10ویں اوور میں پال وین میکرن پر تین چوکے لگا کر اسکور کو 50 سے آگے لے گئے۔ تاہم اگلے ہی اوور میں ابراہیم زدران آؤٹ ہو گئے۔ انہوں نے 34 گیندوں میں دو چوکوں کی مدد سے 20 رنز بنائے۔ زدران کو روئیلوف وین ڈیر مروے نے بولڈ کر دیا۔
55 کے اسکور پر دو وکٹیں گرنے کے بعد رحمت شاہ نے کپتان حشمت اللہ شاہدی کے ساتھ مل کر تیسری وکٹ کے لیے 74 رنز کی شراکت قائم کر کے اپنی ٹیم کی فتح کو یقینی بنایا۔ رحمت شاہ نے 54 گیندوں پر آٹھ چوکوں کی مدد سے 52 رنز بنائے۔ انہیں ثاقب ذوالفقار نے آؤٹ کیا۔
اس کے بعد کپتان حشمت اللہ شاہدی اور آل راؤنڈر عظمت اللہ عمرزئی نے 52 رنز کی شراکت قائم کر کے ٹیم کو فتح سے ہمکنار کیا۔ کپتان حشمت اللہ شاہدی 64 گیندوں پر 6 چوکوں کی مدد سے 56 رنز بنا کر ناقابل شکست لوٹے۔ اس ورلڈ کپ میں یہ ان کی تیسری نصف سنچری تھی۔ عمرزئی 28 گیندوں پر تین چوکوں کی مدد سے 31 رنز بنا کر ناٹ آؤٹ ہوئے۔
اس سے قبل محمد نبی اور نور احمد نے باؤلنگ میں کمال کیا۔ نبی نے تین جبکہ نور نے دو بلے بازوں کو اپنا شکار بنایا۔ ہالینڈ کے چار کھلاڑی رن آؤٹ ہوئے۔
وزیر اعظم نریندر مودی نے اپنے غیر ملکی دوروں کا استعمال احتیاط سے منتخب تحائف…
دہلی میں عام آدمی پارٹی کی حکومت اورنوکرشاہی پر کنٹرول سے متعلق کئی موضوعات پر…
ڈاکٹر راجیشور سنگھ نے ملک کو دنیا کی تیسری سب سے بڑی معیشت بنانے اور…
لندن میں امریکی سفارت خانہ نے کہا کہ مقامی افسرلندن میں امریکی سفارت خانہ کے…
ایڈوکیٹ وجے اگروال نے اس کیس کا ہندوستان میں کوئلہ گھوٹالہ اور کینیڈا کے کیسوں…
بی جے پی لیڈرونود تاؤڑے نے ووٹنگ والے دن ان الزامات کوخارج کرتے ہوئے کہا…