شردھا نے دو سال قبل پولیس سے کی تھی اپنی جان کو خطرے کی تحریری شکایت

پالگھر، 23 نومبر (بھارت ایکسپریس): ٹھیک دو سال قبل 23 نومبر 2020 کو شردھا واکر نے پالگھر کے تلنج پولیس اسٹیشن میں اپنے ساتھی آفتاب امین پونا والا کی طرف سے ملنے والی دھمکیوں کے بارے میں لکھا تھا کہ کس طرح وہ  اسے ‘قتل کرنے اور ٹکڑے ٹکڑے کرنے’ کی دھمکی دیتا ہے۔  یہ خط، جو ابھی منظر عام پر آیا ہے، پولیس نے اس کا بخوبی اعتراف کیا، لیکن یہ معلوم نہیں ہے کہ اس معاملے میں مزید کوئی کارروائی ہوئی تھی  یا نہیں۔

اپنی شکایت میں اس نے مایوسی کا اظہار کرتے ہوئے کہا تھا کہ آفتاب اسے مارتا ہے، اسے بلیک میل کرتا ہے اور اسے جان سے مارنے اور اس کے جسم کے ٹکڑے کرنے کی دھمکیاں دیتا ہے۔ تقریباً دو سال بعد، شردھا کا بدترین خوف اس وقت سچ ثابت ہوا جب آفتاب نے اس کا قتل کرکے اس کے جسم کے ٹکڑے ٹکڑے کر دئے۔ جس کے بعد آفتاب کو دہلی میں مبینہ طور پر شردھا کو  قتل کرنے اور اس کے ٹکڑے کرنے کے الزام میں گرفتار کیا گیاہے۔