Khawaja Asif: خواجہ آصف کا دعویٰ- پاکستان کے خلاف افغانستان کی سرزمین کا ہو رہا ہے استعمال

Khawaja Asif: پاکستان کے وزیر دفاع خواجہ آصف نے کابل میں حکومت سے کہا کہ وہ 2020 کے دوحہ معاہدے میں کیے گئے وعدوں کو پورا کرے کیونکہ طالبان حکومت کے ساتھ معاہدے کے باوجود افغانستان کی سرزمین پاکستان کے خلاف استعمال ہو رہی ہے۔ جیو نیوز نے اسلام آباد میں قومی سلامتی کمیٹی (این ایس سی) کے اجلاس کے اختتام کے بعد وزیر کے حوالے سے بتایا کہ افغان حکومت نے اسلام آباد میں وعدہ کیا تھا کہ ان کی سرزمین پاکستان کے خلاف استعمال نہیں ہوگی۔

جیو نیوز کی خبر کے مطابق،  پاکستانی حکومت سرحدی خلاف ورزی کے حوالے سے افغانستان کے ساتھ مسلسل رابطے میں ہے۔ خواجہ آصف نے کہا کہ جنرل (ریٹائرڈ) قمر جاوید باجوہ اور جنرل (یٹائرڈ) فیض حمید نے قومی اسمبلی کو تحریک طالبان پاکستان (ٹی ٹی پی) کے ساتھ ہونے والے مذاکرات کے پس منظر اور اس کے بعد ہونے والی پیش رفت سے آگاہ کیا۔  تاہم اس کا کوئی مثبت نتیجہ برآمد نہیں ہوا ہے۔ انہوں نے بتایا کہ پاکستان میں ہونے والی دہشت گردی کے تمام واقعات کا 58 فیصد خیبر پختونخوا (کے پی) میں ہوتا ہے۔ کچھ بلوچستان میں بھی ہوتے ہیں۔