یوگی سرکار نے مدرسوں میں لگوایا جاب فیئر

جھانسی میں پہلی بار ریجنل ایمپلائمنٹ آفس نے مدرسہ میں جاب فیئر کا انعقاد کیا۔  جس کی وجہ سے شہر کے مدرسہ اسلامیہ منی آئی ٹی آئی کالج میں جمعرات کو شہر کے مختلف علاقوں سے امیدواروں نے انٹرویو دیا۔  روزگار میلے کے ساتھ ساتھ مدرسہ میں کونسلنگ کا بھی اہتمام کیا گیا۔  اس کونسلنگ میں ماہرین نے امیدواروں کو روزگار حاصل کرنے کی باریکیاں سکھائیں اور امکانات کے بارے میں جانکاری دی۔

جاب فیئر میں سات کمپنیوں نےلیا حصہ

 روزگار میلے میں 300 سے زائد امیدواروں نے حصہ لیا، جبکہ 116 امیدواروں کا انتخاب کیا گیا۔  جاب فیئر میں ہائی اسکول سے پی جی، ہائی اسکول اور مدارس سے انٹرمیڈیٹ، آئی ٹی آئی، ٹیکنیکل اور نان ٹیکنیکل وغیرہ کے امیدوار شامل رہے۔   جاب فیئر میں پونے، لکھنؤ، جھانسی سمیت کئی شہروں کی سات کمپنیوں نے امیدواروں کا انٹرویو کیا۔  پہلی بار منعقد ہونے والے اس قسم کے جاب فیئر کو لے کر امیدواروں میں کافی جوش و خروش تھا۔  جاب فیئر میں اقلیتوں کے ساتھ ساتھ عام زمرہ کے امیدواروں نے بھی شرکت کی۔

امیدواروں میں دیکھا گیا جوش و خروش

 جاب فیئر میں آئے ایک نو جوان  نے بتایا کہ ہم نے پہلی بار کسی مدرسے میں اس طرح کا واقعہ سنا ہے اور یہاں انٹرویو دینے آئے ہیں۔  آفرین بانو نے بتایا کہ مدرسہ میں جاب فیئر کی اطلاع ملنے کے بعد وہ یہاں انٹرویو دینے آئی ہیں۔  ایمپلائمنٹ آفیسر وسیم محمد نے بتایا کہ ریجنل ایمپلائمنٹ آفس کی جانب سے جاب فیئر کا انعقاد کیا گیا ہے جس میں سات کمپنیوں نے حصہ لیا۔