Weather Update: دہلی کے کئی علاقوں میں ہوئی بارش، مزید بارش کا امکان، ویسٹرن ڈسٹربنس کے وجہ سے29 جنوری تک بڑھے گی سردی

دہلی کا موسم: دارالحکومت دہلی میں بدھ کے روز  لوگوں نے مارچ جیسی گرمی محسوس کی ہے۔ دن بھر شدید دھوپ کی وجہ سے زیادہ سے زیادہ درجہ حرارت 25.6 ڈگری سیلسیس ریکارڈ کیا گیا جو معمول سے 5.3 ڈگری زیادہ تھا۔ کم سے کم درجہ حرارت 9.3 ڈگری تھا جو کہ معمول سے 1.8 ڈگری زیادہ تھا۔ حالانکہ، گذشتہ رات موسم بدل گیاہے اور مختلف علاقوں میں بارش ہوئی ہے۔ محکمہ موسمیات نے جمعرات کو دارالحکومت میں ہلکی بارش کی پیشن گوئی کی ہے۔

دارالحکومت میں 19 جنوری سے درجہ حرارت میں اضافہ ریکارڈ کیا جا رہا ہے۔ ماہر موسمیات مہیش پلاوت نے کہا کہ شمال مغربی ہواؤں کی وجہ سے موسم خشک ہے۔ صبح و شام دھند نہیں ہورہی ہے۔ دھند صاف ہونے اور ہوا چلنے سے آلودگی کی سطح میں بھی کمی آئی ہے۔ جس کی وجہ سے آسمان صاف ہے اور زیادہ سے زیادہ اور کم سے کم درجہ حرارت میں اضافہ ہوا ہے۔ حالانکہ، یہ صورتحال اگلے چند دنوں کے بعد بدل جائے گی۔

25 جنوری سے گرے گا درجہ حرارت

ویسٹرن ڈسٹربنس کی وجہ سے 25 سے 27 جنوری تک درجہ حرارت میں دوبارہ کمی ریکارڈ کی جائے گی۔ اس کی وجہ سے زیادہ سے زیادہ اور کم سے کم درجہ حرارت میں کمی آئے گی۔ زیادہ سے زیادہ یہ 18 سے 19 ڈگری یا اس کے آس پاس رہ سکتا ہے۔ اس کے ساتھ ساتھ کم سے کم درجہ حرارت میں کمی بھی ریکارڈ کی جا سکتی ہے۔ محکمہ موسمیات نے پیشن گوئی کی ہے کہ جمعرات کی صبح ہلکی سے درمیانی دھند پڑنے کا امکان ہے۔ آسمان عام طور پر ابر آلود رہے گا۔ صبح کے وقت ہلکی بارش کا بھی امکان ہے۔ صبح اور شام کے وقت زیادہ سے زیادہ اور کم سے کم درجہ حرارت بالترتیب 22 اور 12 ڈگری سیلسیس تک رہ سکتا ہے۔

اگلے سات دنوں کی پیشن گوئی

محکمہ موسمیات کے مطابق جمعرات کو دہلی-این سی آر میں ہلکی بارش ہو سکتی ہے۔ جمعہ کو آسمان پر بادل چھائے رہیں گے۔ ہلکی بارش کا بھی امکان ہے۔ اس کے بعد موسم میں تبدیلی آئے گی اور ویسٹرن ڈسٹربنس کی وجہ سے درجہ حرارت گر جائے گا۔ 25 جنوری سے 29 جنوری تک موسم صاف رہے گا۔ اس دوران دھند پریشانی کا باعث بن سکتی ہے، جبکہ بارش کی کوئی امید نہیں ہے۔

بھارت ایکسپریس۔