General VK Singh On Anantnag Encounter: پاکستان سے کرکٹ،فلمیں سب کچھ ختم کردیں،اننت ناگ انکاؤنٹر معاملہ پر وی کے سنگھ کا بیان

مرکزی وزیر اور سابق آرمی چیف جنرل وی کے سنگھ نے جمعرات (14 ستمبر) کو جموں و کشمیر کے اننت ناگ ضلع میں دہشت گردوں کے ساتھ تصادم میں فوج کے کرنل منپریت سنگھ، میجر آشیش دھنیک اور جموں و کشمیر پولیس کے ڈی ایس پی ہمایوں بھٹ کی موت پر کہا کہ پاکستان کو الگ تھلگ کرنے کی اشد ضررت ہے۔

خبر رساں ایجنسی اے این آئی سے بات کرتے ہوئے انہوں نے کہا، “ہمیں پاکستان کو الگ تھلگ کرنے کے بارے میں سوچنا ہوگا، کیونکہ جب تک ہم ایسا نہیں کریں گے، وہ اسے معمول کی بات سمجھیں گے۔ اگر ہمیں ان پر دباؤ ڈالنا ہے، تو ہمیں انہیں الگ تھلگ کرنا پڑے گا۔ مرکزی وزیر نے کہا کہ انہیں یہ بتانے کی ضرورت ہے کہ کوئی بھی رشتہ اس وقت تک نارمل نہیں رہ سکتا جب تک آپ خود نارمل نہ ہوجائیں۔

پاکستان پر دباؤ ڈالنا ہو گا

مرکزی وزیر نے کہا کہ کبھی فلمی لوگ ہماری جگہ پر آئیں گے، کبھی کرکٹ میچ کھیلنے والے لوگ آئیں گے، سب کچھ ٹھیک ہے، کوئی مسئلہ نہیں ہے، لیکن اگر ہمیں ان پر دباؤ ڈالنا ہے تو پاکستان کو الگ کرنا پڑے گا، تب ہی کچھ ہو سکتا ہے۔

اس دوران سیکورٹی ایجنسیاں دہشت گردوں کی تلاش میں مصروف ہیں۔ پورے علاقے میں خصوصی دستے تعینات کر دیے گئے ہیں۔ اس کے علاوہ پورے علاقے میں اسپیشل فورسز کو بھی تعینات کیا گیا ہے۔ یہی نہیں لشکر طیبہ کے دو دہشت گردوں کو فوج نے گھیرے میں لے لیا ہے۔

دہشت گردوں سے مقابلے میں تین فوجی شہید

بتادیں کہ بدھ (13 ستمبر) کو اننت ناگ ضلع کے کوکرناگ میں دہشت گردوں کے ساتھ تصادم میں راشٹریہ رائفلز کے 19 کمانڈنگ آفیسر، ایک میجر رینک کا افسر اور ایک ڈپٹی سپرنٹنڈنٹ آف پولیس جاں بحق ہو گئے تھے۔

ڈی جی پی دلباغ سنگھ نے تعزیت کا اظہار کیا

ڈی جی پی دلباغ سنگھ نے بھی بدھ کے روز بہادر پولیس اور فوجی افسروں کی موت پر دکھ کا اظہار کیا اور کہا کہ کوئی بھی موت بدقسمتی ہے۔ مجرموں کو جلد کیفر کردار تک پہنچایا جائے گا۔