نئی دہلی: کانگریس نے اپنے راجیہ سبھا اراکین کو وہپ جاری کیا ہے جس میں ان سے کہا گیا ہے کہ وہ 18 ستمبر سے شروع ہونے والے پارلیمنٹ کے پانچ روزہ خصوصی اجلاس کے لیے ایوان میں موجود رہیں۔ راجیہ سبھا میں اپنے ارکان کو جاری کردہ وہپ میں کانگریس نے کہا، ’’راجیہ سبھا میں اس خصوصی اجلاس کے دوران بہت اہم مدعے پر بحث کی جائے گی۔‘‘ اس تین سطری وہپ میں کہا گیا، راجیہ سبھا میں کانگریس کے تمام اراکین سے گزارش ہے کہ وہ 18 ستمبر سے 22 ستمبر 2023 تک ایوان کی کارروائی کے دوران موجود رہیں اور پارٹی کے موقف کی تائید کریں۔
بتا دیں کہ اسی طرح کا وہپ لوک سبھا میں کانگریس کے تمام اراکین کو بھی جاری کیا گیا ہے۔ پارلیمنٹ کا خصوصی اجلاس 18 ستمبر سے شروع ہو کر 22 ستمبر تک جاری رہے گا۔ کانگریس کے جنرل سکریٹری جے رام رمیش نے پارلیمنٹ کے خصوصی اجلاس کے ایجنڈے کا اعلان کرنے کے بعد بدھ کے روز کہا تھا کہ اس میں شامل موضوعات پر سرمائی اجلاس کا بھی انتظار کیا جا سکتا تھا۔ انہوں نے کہا کہ انہیں یقین ہے کہ پردے کے پیچھے کچھ اور چل رہا ہے۔
لوک سبھا سکریٹریٹ کی طرف سے بدھ کے روز جاری کردہ بلیٹن کے مطابق، پانچ روزہ خصوصی اجلاس کے دوران پارلیمنٹ کے 75 سال کے سفر، کامیابیوں، تجربات، یادوں اور دستور ساز اسمبلی سے اب تک کے سیکھنے پر تبادلہ خیال کیا جائے گا۔ اس بحث کے علاوہ اس میں چار بلوں کا بھی ذکر ہے۔ بلیٹن میں کہا گیا ہے کہ اس سیشن کے دوران ایڈوکیٹس ترمیمی بل 2023 اور پریس اینڈ پیریڈیکل رجسٹریشن بل 2023 درج ہیں جو راجیہ سبھا سے پاس ہو چکے ہیں اور لوک سبھا میں زیر التوا ہیں۔ ساتھ ہی پوسٹ آفس بل 2023 اور چیف الیکشن کمشنر اور دیگر الیکشن کمشنرز کی تقرری، سروس کنڈیشنز بل 2023 بھی درج ہیں۔
دوسری جانب بھارتیہ جنتا پارٹی (بی جے پی) نے بھی اپنے تمام ممبران پارلیمنٹ کو وہپ جاری کرتے ہوئے کہا ہے کہ وہ 18 ستمبر سے شروع ہونے والے پانچ روزہ پارلیمنٹ اجلاس کے دوران اپنی موجودگی کو یقینی بنائیں۔ پارٹی لیڈران نے کہا کہ لوک سبھا اور راجیہ سبھا کے ممبران کو وہپ جاری کر دیا گیا ہے۔
بھارت ایکسپریس۔
کولکاتہ کے ایک اسپتال میں زیر تربیت ڈاکٹر کے ریپ اور قتل کے معاملے کو…
مغربی بنگال کی ممتا حکومت نے کولکاتہ کے آر جی کار میڈیکل کالج کے احتجاجی…
دہلی کی راؤز ایونیو کورٹ نے تین طالب علموں کی موت کے معاملے میں مبینہ…
ہمانتا بسوا سرما نے اس سے قبل اگست کے آغاز میں کہا تھا کہ ان…
ہماچل پردیش ہائی کورٹ میں مدعی لائک رام نیگی کی طرف سے ایڈوکیٹ سنجیو کمار…
نائب صدرجمہوریہ ہند جگدیپ دھنکھڑ نے عالمی خطہ جنوب کی ترقی کو آگے بڑھانے میں…