Gujarat News: بلٹ ٹرین پروجیکٹ کا زیر تعمیر پل گرا، ملبے تلے دبے مزدور، ایک کی موت

Gujarat News: یہ حادثہ احمد آباد-ممبئی بلٹ ٹرین پروجیکٹ کے دوران پیش آیا۔ زیر تعمیر پل گر گیا۔ مزدور کنکریٹ کے بھاری ملبے تلے دب گئے۔ ایک مزدور کی موت ہو گئی ہے۔ اطلاعات آرہی ہیں کہ پانچ سے زائد مزدور دبے ہوئے ہیں۔ ریسکیو آپریشن تاحال جاری ہے۔ یہ حادثہ واسد ندی کے قریب چل رہے بلٹ ٹرین پروجیکٹ میں پیش آیا۔

نیشنل ہائی اسپیڈ ریل کارپوریشن لمیٹڈ (این ایچ ایس آر سی ایل) نے ایک بیان میں کہا کہ تین مزدور منگل (5 نومبر) کی شام کو ماہی ندی پر کنکریٹ کے بلاکس کے درمیان پھنس گئے۔ ایک مزدور کو بچا کر اسپتال میں داخل کرایا گیا ہے۔

اب تک ہو چکی ہے 12 پلوں کی تعمیر

بتادیں کہ ممبئی-احمد آباد بلٹ ٹرین کوریڈور کے لیے گجرات میں کل 20 ندی پلوں میں سے 12 کی تعمیر مکمل ہو چکی ہے۔ ممبئی-احمد آباد بلٹ ٹرین کوریڈور کل 508 کلومیٹر طویل ہے۔ این ایچ ایس آر سی ایل نے کہا کہ گجرات کے نوساری ضلع میں کھریرا ندی پر 120 میٹر لمبا پل حال ہی میں مکمل ہوا ہے۔ اس کے ساتھ ہی 12 پلوں کی تعمیر مکمل ہو چکی ہے۔

یہ بھی پڑھیں- Pragya Singh Thakur: مالیگاؤں دھماکہ کیس میں این آئی اے کورٹ سے سادھوی پرگیہ ٹھاکر کو ضمانتی وارنٹ جاری، جانئے کیا ہے پورا معاملہ

گجرات میں 352 کلومیٹر کا پروجیکٹ

بلٹ ٹرین پروجیکٹ گجرات کے 352 کلومیٹر اور مہاراشٹر کے 156 کلومیٹر پر محیط ہے۔ اس میں ممبئی، ٹھانے، ویرار، بوئیسر، واپی، بلیمورہ، سورت، بھڑوچ، وڈودرا، آنند/نڈیاد، احمد آباد اور سابرمتی جیسے کل 12 اسٹیشنوں کی منصوبہ بندی کی گئی ہے۔

-بھارت ایکسپریس