Police Investigating the case: دہلی کے وزیر پور علاقے میں دو افراد کو  بے دردی سے چاقو مارکر قتل کر دیا گیا، لوگوں میں خوف کا ماحول

دارالحکومت دہلی میں دوہرے قتل کا ایک واقعہ سامنے آیا ہے۔ جمعہ کی رات دیر گئے دہلی کے وزیر پور انڈسٹریل ایریا میں دو لاشیں ملنے پر لوگوں میں خوف کا ماحول بنا ہوا ہے  ۔

جمعہ کی رات دہلی کے اشوک وہار تھانہ علاقے کے وزیر پور صنعتی علاقے میں دو نوجوانوں کو بے دردی سے چاقو مار کر ہلاک کر دیا گیا۔ واقعہ کی اطلاع ملتے ہی تمام افسران موقع پر پہنچ گئے اور واقعہ کا جائزہ لیا۔ اس کے بعد فارینسک ٹیم اور اسپیشل اسٹاف نارتھ ویسٹ کو بھی جائے وقوعہ پر بلایا گیا۔ پولیس کا کہنا ہے کہ اس معاملے کی تحقیقات کی جا رہی ہے اور جلد ہی ملزمان کو گرفتار کر لیا جائے گا۔ فی الحال اس معاملے میں کچھ لوگوں کو حراست میں لیا گیا ہے اور ان سے پوچھ گچھ کی جا رہی ہے۔

ذرائع کے مطابق مرنے والوں کے نام وشال اور وپل ہیں اور دونوں کی عمریں 17 سے 19 سال کے درمیان ہیں۔ کچھ دن پہلے دونوں کی سوئمنگ پول میں انوج اور سورد کے ساتھ کسی بات پر لڑائی ہوئی تھی

اشوک وہار تھانہ علاقے میں اس دوہرے قتل کی واردات کو انجام دینے والے مجرموں کو پکڑنے کے لیے فی الحال کئی ٹیمیں تشکیل دی گئی ہیں۔ دونوں مقتولین کی لاشوں کو پوسٹ مارٹم کے لیے جہانگیرپوری کے بابو جگجیون اسپتال بھیج دیا گیا ہے اور معاملے کی تفتیش شروع کردی گئی ہے۔
یہ بھی پڑھیں: بنگلہ دیش کی وزیر اعظم شیخ حسینہ کی پی ایم مودی سے ملاقات، تیستا پانی کی تقسیم سمیت دیگر مسائل پر ہو سکتی ہے بات چیت

پولیس اہل علاقہ کے بیانات ریکارڈ کر رہی ہے

دوہرے قتل کی واردات کے بعد علاقے میں سنسنی پھیل گئی۔ پولیس اہل علاقہ کے بیانات ریکارڈ کر رہی ہے۔ اس کے ساتھ ہی مقتول کے لواحقین کے بیانات قلمبند کرنے کے بعد ملزمان کی تلاش میں مصروف ہیں۔ پولیس کا کہنا ہے کہ جلد تمام ملزمان کو گرفتار کر لیا جائے گا۔ پولیس ٹیم کا یہ بھی کہنا ہے کہ یہ واقعہ کسی پرانی دشمنی کی وجہ سے پیش آیا۔

بھارت ایکسپریس