Jharkhand News: جھارکھنڈ کے لاتیہار میں نو سالہ طالبہ کے ساتھ عصمت دری کے الزام میں ٹیچر گرفتار

لاتیہار: جھارکھنڈ کے لاتیہار ضلع میں نو سالہ طالبہ کے ساتھ مبینہ طور پر عصمت دری کے الزام میں ایک ٹیچر کو گرفتار کیا گیا ہے۔ پولیس نے بدھ کے روز یہ جانکاری دی۔ پولیس نے بتایا کہ ٹیچر کی عمر تقریباً 25-26 سال ہے اور وہ لڑکی کے گھر جا کر اسے ٹیوشن دیا کرتا تھا۔

ڈپٹی سپرنٹنڈنٹ آف پولیس ہمانشو چندر مانجھی نے بتایا کہ پیر کے روز وہ نابالغ لڑکی کو قریبی جنگل میں لے گیا اور وہاں اس کی عصمت دری کی۔ مانجھی نے بتایا کہ اس کے بعد وہ طالبہ کو اپنے گھر لے گیا۔

افسر نے بتایا کہ جب نابالغ لڑکی لاپتہ ہوئی تو اس کے اہل خانہ اور پڑوسیوں نے اس کی تلاش شروع کی اور آدھی رات کے قریب لڑکی ملزم کے گھر سے پائی گئی۔

یہ بھی پڑھیں: یوپی میں اس لیڈر سے راجہ بھیا کی ناراضگی بی جے پی کو مہنگی پڑی! کل ہی ہوئی تھی ملاقات

انہوں نے کہا کہ جب لڑکی نے اپنے گھر والوں کو اس کے ساتھ ہوئی واردات سنائی تو انہوں نے ٹیچر کو پکڑ لیا اور منگل کے روز پولیس کے حوالے کر دیا۔ مانجھی نے کہا کہ ٹیوٹر کے خلاف مقدمہ درج کر لیا گیا ہے اور لڑکی کو طبی معائنے کے لیے بھیج دیا گیا ہے۔

بھارت ایکسپریس۔