Seven People Burnt Alive In Collision Between Car And Truck: دردناک سڑک حادثہ، دو بچے سمیت سات لوگ زندہ جلے،گاڑی سے نکلنے کی نہیں مہلت

راجستھان کے سیکر ضلع کے فتح پور شیخاوتی میں آشیرواد چوراہے کے قریب واقع پل پر اتوار کی دوپہر ایک کار اور ٹرک کے درمیان تصادم میں کار میں سوار سات افراد زندہ جل گئے۔ کار میں دو بچے اور تین خواتین سمیت سات افراد سوار تھے۔معلومات کے مطابق، کار پل پر اس سے آگے بڑھ رہے ٹرک سے ٹکرا گئی۔ حادثے کے بعد گاڑی میں آگ اتنی شدید تھی کہ کچھ ہی دیر میں آگ نے کار کو اپنی لپیٹ میں لے لیا اور کار میں سوار افراد کو باہر نکلنے کا موقع نہیں ملا۔

ڈپٹی سپرنٹنڈنٹ آف پولیس (فتح پور سرکل) رام پرتاپ بشنوئی نے بتایا کہ کار میں سوار تمام لوگ اتر پردیش کے میرٹھ کے رہنے والے تھے۔ سالار بالاجی مندر سے حصار جا رہے تھے۔ اس دوران وہ حادثے کا شکار ہو گئے۔حادثے کے بعد پولیس اور فائر بریگیڈ کی گاڑیاں موقع پر پہنچ گئیں اور کافی کوششوں کے بعد آگ پر قابو پالیاگیا۔ کار میں سوار جاں بحق افراد کی تاحال شناخت نہیں ہو سکی ہے۔ موقع پر موجود فتح پور شیخاوتی پولیس متوفی کی شناخت میں مصروف ہے۔

بھارت ایکسپریس۔