Republic Day: سی ایس آئی آر کی جھانکی میں نظر آئی ‘جامنی انقلاب’ کی جھلک

نئی دہلی: ملک آج 75 واں یوم جمہوریہ منا رہا ہے۔ اس موقع پر دارالحکومت دہلی میں ‘کرتویہ پتھ’ پر ہندوستان نے اپنی فوجی طاقت اور بھرپور ثقافتی ورثے کا دلکش نظارہ پیش کیا۔ وہیں، جموں و کشمیر کے بھدرواہ میں ہونے والے ‘جامنی انقلاب’ کو یوم جمہوریہ پریڈ میں سائنسی اور صنعتی تحقیق کی کونسل (CSIR) کی جھانکی میں ایک اہم مقام ملا۔ سی ایس آئی آر کے ایک سینئر اہلکار نے کہا کہ ‘پرپل ریوولوشن’ ہندوستان کی سائنسی طاقت اور بھدرواہ اور آس پاس کے علاقوں کے کسانوں کے محنتی جذبے کو ظاہر کرتا ہے جو پچھلے کچھ سالوں میں کاروباری بنے ہیں۔

لیوینڈر کے پھولوں سے سجی پرفتن جھانکی

لیوینڈر کے پھولوں سے سجی پرفتن جھانکی جموں میں CSIR-‘انڈین انسٹی ٹیوٹ آف انٹیگریٹیو میڈیسن’ میں لیوینڈر کی ایک مخصوص قسم کی ترقی، اس کی کاشت اور تیل، پرفیوم اور اگربتی بنانے کے لیے اس کی پروسیسنگ کی کہانی بیان کر رہی تھی۔ مرکزی سائنس اور ٹکنالوجی کے وزیر جتیندر سنگھ نے اکثر ‘پرپل ریوولوشن’ کو لیونڈر کو لیب سے مارکیٹ تک لے جانے اور ہندوستان میں زرعی اسٹارٹ اپ کی نئی ثقافت کو فروغ دینے کی مثال کے طور پر کہا ہے۔

کم از کم 10,000 روپے فی لیٹر بکتا ہے لیوینڈر تیل

CSIR کی جھانکی میں CSIR اور ‘سینٹرل مکینیکل انجینئرنگ ریسرچ انسٹی ٹیوٹ، درگاپور’ کے ذریعہ تیار کردہ ہندوستان کے پہلے خواتین کے لیے موزوں کمپیکٹ الیکٹرک ٹریکٹر کی بھی نمائش کی گئی۔ جھانکی میں لیوینڈر کے پھولوں سے تیل نکالنے کا ایک یونٹ بھی دکھایا گیا تھا۔ لیوینڈر تیل کم از کم 10,000 روپے فی لیٹر میں فروخت ہوتا ہے۔

یہ بھی پڑھیں: پدم ایوارڈ سے سرفراز ایم فاطمہ بیوی کے ایک فیصلے سے ہندوستانی سیاست میں مچ گیا تھا ہنگامہ

صبح 10:30 بجے پریڈ کی شروعات ہوئی

بتا دیں کہ راجدھانی دہلی میں کرتبیہ پتھ پرصبح 10:30 بجے پریڈ کی شروعات ہوئی۔ لوگوں کوالگ الگ ریاستوں کی جھانکیاں دیکھنے کا موقع ملا۔ یوم جمہوریہ کرویہ پتھ پرپریڈ کے پیش نظردارالحکومت دہلی میں حفاظتی انتظامات سخت کیے گئے۔ وہیں فرانسیسی صدرایمینوئل میکرون یوم جمہوریہ کے مہمان خصوصی رہے۔

یہ بھی پڑھیں: پیلے رنگ کی بندھانی پگڑی، سفید کرتا-پاجامہ… یوم جمہوریہ کے موقع پر نئے لُک میں نظر آئے وزیر اعظم مودی

بھارت ایکسپریس۔