NIA Raid in Bihar: بہار میں این آئی اے کے چھاپے  سے مچی ہلچل

این آئی اے نے ایک بار پھر بہار میں چھاپے ماری کی ہے ۔ قومی تحقیقاتی ایجنسی (این آئی اے) کی ٹیم نے بدھ کی صبح ویشالی ضلع میں چھاپہ ماری کی ہے۔ این آئی اے کی ٹیم کئی گاڑیوں میں پہنچی۔ حاجی پور میں دو مختلف مقامات پر چھاپے مارے گئے۔ ایک ٹیم حاجی پور کے نگر تھانہ علاقے میں سی ڈی او روڈ پر واقع مکان پر چھاپے ماری کی ہے اور دوسری ٹیم باگ مالی کے علاقے میں چھاپے ماری کررہی تھی ۔ یہ چھاپے ضلع میں کل 3 مقامات پر مارے گئے ہیں۔ تمام جگہوں پر سکیورٹی اہلکار تعینات کر دیے گئے ہیں۔

ویشالی میں تین مقامات پر این آئی اے کے چھاپے

این آئی اے کی ٹیم چھاپےمارنے کے لیے بدھ کی صبح ویشالی ضلع پہنچی۔ این آئی اے نے تین مقامات پر چھاپے مارے کی۔ ان میں ایک اسلحہ سپلائر کے یہاں  چھاپے کی اطلاع ہے۔ موصولہ اطلاعات کے مطابق حاجی پور شہر کے ایس ڈی او روڈ اور کرشنا پوری میں چھاپے مارے گئے ہیں۔

حاجی پور میں این آئی اے کا چھاپہ کہاں پڑا تھا؟

حاجی پور شہر کے ایس ڈی او روڈ میں سندیپ کمار سنہا عرف چھوٹو لالہ کے گھر پر چھاپہ ماری کی گئی ہے،  جب کہ کرشنا پوری میں ستیم نامی شخص کے ٹھکانے پر این آئی اے نے چھاپہ مارا ہے۔ ایک ٹیم چھاپہ مارنے کے لئے مہوا تھانہ علاقہ پہنچی۔ تین مقامات پر این آئی اے کے چھاپوں نے ضلع میں ہلچل مچا دی ہے۔

آرمز ایکٹ کے ملزمان کے گھر پر بھی چھاپہ

موصولہ اطلاعات کے مطابق این آئی اے نے حاجی پور میں جن لوگوں کے ٹھکانوں پر چھاپہ مارا ہے، ان میں سے ایک شخص پہلے ہی آرمس ایکٹ کے تحت جیل میں بند ہے۔ این آئی اے نے جس معاملے میں یہ چھاپہ مارا ہے اس کے بارے میں ابھی تک معلومات سامنے نہیں آئی ہیں۔ اس چھاپے کے حوالے سے کوئی سرکاری بیان سامنے نہیں آیا ہے۔ قابل ذکر بات یہ ہے کہ ویشالی کے ایس پی نے چھاپے کی تصدیق کی ہے۔

بھارت ایکسپریس