Barabanki News: بارہ بنکی میں کچی دیوار گرنے سے بھائی بہن کی موت

بارہ بنکی ضلع میں ایک المناک حادثے میں دو معصوم لوگوں کی موت ہو گئی۔ گھر کے باہر کھیل رہے بھائی بہن پر مٹی کی دیوار گر نے کے  اس حادثے میں 6 سالہ لڑکا موقع پر ہی جاں بحق ہو گیا۔ وہیں اس کی 4 سالہ بہن کی علاج کے لیے لکھنؤ جاتے ہوئے راستے میں ہی موت ہوگئی۔ اس المناک حادثے کے بعد پورے گاؤں میں ماتم پسرا ہوا ہے۔

حادثے کی اطلاع ملتے ہی سب کلکٹر انوراگ سنگھ اور ایریا پولیس ہرشیت چوہان موقع پر پہنچے اور اہل خانہ کو تسلی دی۔ رام نگر تھانہ کے گرام پنچایت بیچلکھا کے رہنے والے رام کشور کا 6 سالہ بیٹا امن اور 4 سالہ بیٹی رادھا بدھ کی صبح تقریباً 8 بجے گھر کے باہر کھیل رہے تھے۔ اچانک قریب کی مٹی کی دیواران دونوں کے اوپر گرگئی جس کے بعد دونوں معصوم بچے دیوار کے ملبے تلے دب گئے۔

اس حادثے میں امن کی موقع پر ہی موت واقع ہو گئی۔ حالانکہ رادھا کو جلدی سے لکھنؤ ہسپتال لے جایا گیا، لیکن وہ راستے میں ہی دم توڑ گئی۔ اس حادثے کے بعد خاندان گہرے صدمے سے گزر رہا ہے ۔

بھارت ایکسپریس۔