Shraddha Murder Case:شردھا والکر قتل کیس میں  نیا انکشاف ،پولیس کے ہاتھ لگا آڈیو تبوت

شردھا والکر قتل کیس میں دہلی پولیس کے ہاتھ بڑا آڈیو ثبوت لگا ہے ۔پولیس کو آفتاب کا ایک آڈیو ملا ہے ۔ اس میں آفتاب شردھا والکر سے لڑائی جھگڑا کرہا ہے۔اس آڈیو میں آفتا ب اور شردھا والکر کے بیچ بحث ہوتی سنائی دے رہی ہے۔اتنا ہی نہیں آڈیو سے ثابت ہورہا ہے کہ آفتاب شردھا والکر کو ٹاچر کررہا تھا۔ دہلی پولیس اس آڈیو کو بڑا ثبوت مان رہی ہے ۔ اس آڈیو کی مدد سے قتل کی تقتیش میں اہم  موڑ آسکتا ہے۔پولیس اسی آڈیو سے کی آو از کو ملان کرنے کےلئے اس کا وائس سیمپل لےگی ۔سی بی آی کی سی ایف ایس ایل ٹیم آفتاب کا وائس سیمپل لے گی۔

18 مئی کو شردھا کو قتل کرنے کے بعد آفتاب نے قتل کو چھپانے کے لیے ہر طرح کی تیاری کی تھی۔کسی کو شک نہیں ہونا چاہیے کہ شردھا واکراب اس دنیا میں نہیں ہے۔ اس کے لیے آفتاب اپنے ہی موبائل سے شردھا کے دوستوں کو ٹیکسٹ کرتا تھا۔یہی نہیں آفتاب نے شردھا کے کریڈٹ کارڈ کا بل بھی ادا کیا تھا تاکہ کریڈٹ کارڈ کمپنی اس کی تحقیقات نہ کرے۔ آفتاب نے پولیس کو گمراہ کرنے کے لیے کہا کہ شردھا واکر اس کے ساتھ لڑائی کے بعد گھر سے چلی گئی تھی۔ اور جب پولیس نے ملزم سے اس لین دین کے بارے میں پوچھا تو وہ جواب دینے میں ناکام رہا اور وہ یہاں پکڑا گیا۔

وکاس والکر نے بتایا کہ شردھا کے ساتھ ان کی آخری بات 2021 میں ہوئی تھی اور شردھا نے کہا تھا کہ وہ بنگلور میں ہیں اور بالکل ٹھیک ہیں۔ وکاس والکر نے کہا کہ گھر سے نکلتے وقت انہوں نے شردھا سے صرف اتنا کہا کہ آفتاب ان کی برادری سے نہیں ہے اور اسی وجہ سے وہ اس کی مخالفت کر رہے ہیں۔ وکاس والکر نے یہ بھی کہا کہ وہ نہیں جانتے تھے کہ آفتاب شردھا کو مارتا تھا۔

شردھا کو 35 ٹکڑوں میں تقسیم کیا گیا

قابل ذکر بات یہ ہے کہ 28 سالہ آفتاب پر مئی میں دہلی کے مہرولی کے ایک اپارٹمنٹ میں شردھا والکر کا قتل کرنے کا الزام ہے۔ قتل کرنے کے بعد اس نے شردھا کے 35 ٹکڑے کیے اور شہر کے کئی حصوں میں پھینکتا رہا۔ آفتاب کے وکیل کا کہنا ہے کہ اس نے عدالت میں اعتراف جرم نہیں کیا۔ نارکو اینالیسس ٹیسٹ اور پولی گراف ٹیسٹ کے دوران بھی آفتاب کا رویہ پرسکون اور پر سکون تھا۔

–بھارت ایکسپریس