Kumbh Mela 2025: مہاکمبھ میلہ 2025 تقریب سے اترپردیش کی معیشت کو ملے گا فروغ

دنیا بھر کے ہندو عقیدت مند مہاکمبھ کا بے صبری سے انتظار کر رہے ہیں، یہ تقریب 12 سال میں ایک بارمنعقد ہوتی ہے، جو 13 جنوری 2025 کو اترپردیش کے پریاگ راج میں شروع ہونے والا ہے۔ چیف منسٹر یوگی آدتیہ ناتھ کی قیادت والی اتر پردیش حکومت اس باوقار تقریب کو شاندار، محفوظ اور خوشحال بنانے میں کوئی کسر نہیں چھوڑ رہی ہے۔ 40 کروڑ سے زیادہ عقیدت مندوں کے آنے کی توقع کے ساتھ، پریاگ راج کو مذہبی جوش و خروش کے مرکز میں تبدیل کرنے کی تیاریاں زوروں پر ہیں۔ ایک مہذہبی تقریب ہونے کے علاوہ، مہاکمبھ ریاست کی معیشت کو فروغ دینے کے لیے تیار ہے۔

وزارت ثقافت کے مطابق  مہاکمبھ کی تھیم والی اشیاء جیسے ڈائری، کیلنڈر، جوٹ بیگ اور اسٹیشنری کی فروخت میں 25 فیصد اضافہ دیکھا گیا ہے۔ برانڈنگ کی یہ کوشش مقامی کاروبار پر تقریب کے اثرات کی عکاسی کرتی ہے، کیونکہ تاجر جشن سے پہلے مانگ میں اضافہ دیکھ رہے ہیں۔

مہاکمبھ: ایک اقتصادی ورثہ

مہاکمبھ نہ صرف ایک مذہبی تقریب ہے، بلکہ ایک معاشی طرقی سے جڑی ہوئی  بھی ہے۔ اطلاعات کے مطابق، کمبھ میلہ کے نوڈل افسر وجے آنند نے ٹیکس، کرایوں اور سروس چارجز کے ذریعے اتر پردیش کے لیے 25,000 کروڑ روپے کی آمدنی کا تخمینہ لگایا ہے۔ اس تقریب سے 2 لاکھ کروڑ روپے سے 3 لاکھ کروڑ روپے کے مالیاتی لین دین کو بھی فروغ دینے کی امید ہے، جس سے وارانسی، ایودھیا، متھرا اور وندھیا واسینی دھام جیسے قریبی روحانی مراکز کو فائدہ پہنچے گا۔

روزگار اور سیاحت کا فروغ

اتر پردیش کے محکمہ سیاحت کے مطابق مہاکمبھ 2025 کی تیاریوں کی وجہ سے تقریباً 45,000 خاندانوں کو روزگار ملا ہے۔ مذہبی سیاحت کو فروغ دینے کے لیے ریاستی حکومت کی کوششوں پر زور دیتے ہوئے، مہمان نوازی، ٹرانسپورٹ، سیاحت اور خوردہ شعبوں کو کافی فائدہ ہوگا۔ جیسے ہی مہا کمبھ کی الٹی گنتی شروع ہوتی ہے، روحانیت اور اقتصادی مواقع کا یہ سنگم پریاگ راج کو عالمی توجہ کا مرکز بنانے کے لیے تیار ہے۔

مہاکمبھ میلہ 2025 کے بارے میں

کمبھ میلہ ہر 3 سال بعد، اردھ کمبھ میلہ ہر 6 سال اور مہا کمبھ میلہ ہر 12 سال بعد منعقد کیا جاتا ہے۔ آخری مہاکمبھ میلہ سال 2013 میں منعقد کیا گیا تھا۔ اس کے بعد سال 2019 میں اردھ کمبھ میلہ کا انعقاد کیا گیا۔ اب سال 2025 میں مہاکمبھ میلہ منعقد ہونے جا رہا ہے اور یہ کافی شاندار ہونے جا رہا ہے۔ مہا کمبھ میلہ 2025 کا انعقاد اتر پردیش کے پریاگ راج میں 29 جنوری 2025 کو سدھی یوگا میں ہونے جا رہا ہے۔ سناتن دھرم میں یقین رکھنے والوں کے لیے یہ سب سے بڑا تہوار ہے۔ جس میں دنیا بھر سے سادھو سنت  اور لوگ اس میلے میں شرکت کے لیے آتے ہیں۔ مہاکمبھ کا نظارہ ایسا ہے جیسے دنیا بھر سے لوگ اس میلے میں آئے ہوں۔ ہر کوئی مہا کمبھ کے اس شاندار سنگم میں ڈبی لگانا چاہتا ہے۔

بھارت ایکسپریس