India adds 3.8 GW solar open-access capacity in H1 2025: بھارت میں 2025 کی پہلی ششماہی میں 3.8 گیگا واٹ سولر اوپن ایکسیس کی تنصیب، روف ٹاپ سولر میں زبردست اضافہ

نئی دہلی: بھارت نے 2025 کی پہلی ششماہی (H1) میں 3.8 گیگا واٹ (GW) سولر اوپن ایکسیس صلاحیت کا اضافہ کیا، جو پچھلے سال کے اسی عرصے (H1 2024) کے 3.9 GW سے 4 فیصد کم ہے۔ یہ معلومات توانائی کے معروف تحقیقی ادارے مرکوم (Mercom) کی تازہ رپورٹ سے سامنے آئی ہیں۔
Q2 میں تیزی، لیکن H1 میں معمولی کمی
2025 کی دوسری سہ ماہی (Q2) میں، بھارت نے 2.7 گیگا واٹ اوپن ایکسیس سولر صلاحیت کا اضافہ کیا۔2024 کی پہلی ششماہی میں اضافے کی بڑی وجہ تھی Approved List of Models and Manufacturers (ALMM) کی بحالی سے قبل منصوبوں کی جلد تکمیل کی دوڑ۔تاہم، 2025 کے پہلے کوارٹر (Q1) میں کنیکٹیویٹی منظوریوں میں تاخیر اور ٹرانسمیشن انفرا کی کمی کے باعث رفتار میں سستی رہی۔Q2 میں ایک بار پھر تیزی آئی کیونکہ ڈویلپرز نے ISTS چارجز معافی کی آخری تاریخ (جون) سے پہلے منصوبوں کو جزوی طور پر مکمل کر لیا تاکہ ریایت حاصل کی جا سکے۔
مہاراشٹرا کا نمایاں کردار:
Q2 2025 میں مہاراشٹرا نے سب سے زیادہ، 30 فیصد سے زائد، اوپن ایکسیس سولر تنصیبات کا حصہ حاصل کیا۔جون 2025 تک بھارت کی مجموعی اوپن ایکسیس سولر صلاحیت 24.6 گیگا واٹ تک پہنچ چکی ہے۔
ریاستی درجہ بندی (جون 2025 تک):
کرناٹک 24فیصد
مہاراشٹرا18 فیصد
تمل ناڈو12 فیصد
مستقبل کا روڈمیپ:
مرکوم کے مطابق، 31 گیگا واٹ سے زیادہ اوپن ایکسیس سولر منصوبے ترقیاتی یا قبل از تعمیر مراحل میں ہیں۔
روف ٹاپ سولر میں شاندار ترقی:
2025 کی پہلی ششماہی میں بھارت نے2.8 گیگا واٹ روف ٹاپ سولر صلاحیت کا اضافہ کیا، جو H1 2024 کی 1.1 گیگا واٹ سے 158 فیصد زیادہ ہے۔
Q2 2025 میں:1.6 گیگا واٹ روف ٹاپ تنصیب ہوئی (Q1 سے 33فیصد اضافہ)Q2 2024 کی 731 میگا واٹ کے مقابلے میں 121فیصد کا سالانہ اضافہ
ترقی کی وجوہات:
پرانے اندراجات کی کلیئرنس،نئے سسٹمز کی تکمیل،پی ایم سوریہ گھر پورٹل (PM Suryaghar Portal) میں بہتری
Q2 2025 کی تنصیبات کی تقسیم:
• رہائشی سیکٹر: 74فیصد
• صنعتی سیکٹر: 19فیصد
• تجارتی سیکٹر: 6فیصد
• حکومتی سیکٹر: 0.5فیصد
جون 2025 تک بھارت کی مجموعی روف ٹاپ سولر صلاحیت بڑھ کر 16.5 گیگا واٹ ہو چکی ہے۔
سرفہرست ریاستیں (روف ٹاپ تنصیبات میں):
گجرات،مہاراشٹرا،راجستھان،کیرالہ،اتر پردیش