Joshimath Sinking: جوشی مٹھ میں لینڈ سلائیڈنگ کے باعث ہوٹل ملاری ان اور ماؤنٹ ویو آپس میں ٹکرا ئے، انتظامیہ نے کی توڑنے کی تیاری

Joshimath Sinking: اتراکھنڈ کے جوشی مٹھ میں لینڈسلائیڈنگ کی وجہ سے زمین میں دھنستی عمارتوں کو گرایا جائے گا۔ جوشی مٹھ میں جن ہوٹلز اور مکانوں میں زیادہ دراڑیں ہیں انہیں گرانے کا کام آج سے شروع کیا جائے گا۔ اس کے لئے انتظامیہ کے ذریعہ خطرہ کی زد میں آنے والے علاقوں کو خالی کرایا جا چکا ہے۔ جانکاری کے مطابق جوشی مٹھ کے 678 گھروں میں دراڑیں پڑ چکی ہیں۔ وہیں جوشی مٹھ کے دو ہوٹلز آپس میں ٹکرا گئے ہیں۔ جس کے بعد ہوٹل میں رہنے والے سبھی لوگوں کو باہر نکال لیا گیا ہے اور انتظامیہ اعلان کرکے لوگوں کو اس علاقے سے دور رہنے کی اپیل کر رہا ہے۔

ہوٹل ملاری ان اور ماؤنٹ ویو کو توڑا جائے گا

جوشی مٹھ میں زمین دھنسنے کی وجہ سے دو ہوٹل آپس میں ٹکرا گئے ہیں۔ ہوٹل ملاری ان اور ماؤنٹ ویو پیچھے کی طرف جھک گئے ہیں۔ NDRF اور ماہرین کی ٹیم دونوں ہوٹلز کا معائنہ کر رہی ہیں۔ وہیں انہیں گرانے کے لئے موقع پر بلڈوزر پہنچ گیا ہے۔ دوسری طرف آس پاس کے گھروں میں رہنے والے لوگوں کو وہاں محفوظ مقامات پر منتقل کیا جا رہا ہے۔

ایس ڈی آر ایف کے کمانڈنٹ منیکانت مشرا نے کہا کہ ہوٹل ملاری ان کو منہدم کردیا جائے گا۔ اسے مرحلہ وار گرایا جائے گا۔ یہ ہوٹل ٹیڑھے میڑھے ہو چکے ہیں۔ اسے توڑنا ضروری ہے کیونکہ اس کے نیچے بہت سے گھر اور ہوٹل ہیں اور اگر یہ بہت زیادہ دھنسے گا تو کسی وقت بھی گر سکتا ہے۔ سی بی آر آئی کے ماہرین آرہے ہیں، وہ مزید تکنیکی معلومات دیں گے۔

یہ بھی پڑھیں- Joshimath Sinking: لگتا ہے قیامت آنے والی ہے، خوف میں مبتلا شہر کے لوگ ، جوشی مٹھ میں تیزی سے بڑھ رہی دراڑیں

ہوٹل ملیری ان کے مالک  آیا کا بیان

اس کے ساتھ ہی ملیری ان کے مالک ٹھاکر سنگھ رانا کا بیان بھی آیا ہے۔ ناراضگی کا اظہار کرتے ہوئے، انہوں نے کہا، “مجھے مرکزی اور ریاستی حکومت سے بہت پریشانی ہے۔ اس ہوٹل کو عوامی مفاد میں گرایا جا رہا ہے۔ کوئی بات نہیں میں انتظامیہ کے ساتھ ہوں۔ بس مجھے نوٹس دیں اور میرا مالی جائزہ لیں، میں یہاں سے چلا جاؤں گا۔ میری درخواست ہے کہ معاشی جائزہ لیا جائے۔ دریں اثنا، سپریم کورٹ نے جوشی مٹھ کیس پر فوری سماعت سے انکار کر دیا ہے۔ عدالت نے جوشی مٹھ کیس کی سماعت کے لیے 16 جنوری کی تاریخ مقرر کی ہے۔

-بھارت ایکسپریس